മുതിർന്ന പൗരന്മാർക്കുള്ള നികുതി ആനുകൂല്യങ്ങൾ എന്തെല്ലാം? അറിയേണ്ട കാര്യങ്ങൾ

സീ​നി​യ​ർ സി​റ്റി​സണും സൂ​പ്പ​ർ സീ​നി​യ​ർ സി​റ്റി​സ​ണും

രാജ്യത്ത് 60 വ​യ​സി​ന് മു​ക​ളി​ലും 80 വ​യ​സി​ൽ താ​ഴെ​യും പ്രായ​മു​ള്ള​വ​രെ​യാ​ണ് മു​തി​ർ​ന്ന പൗ​ര​ന്മാ​രാ​യി അതായത് സീ​നി​യ​ർ സി​റ്റി​സണായി ക​ണ​ക്കാ​ക്കു​ന്ന​ത്. അതേസമയം 80 വ​യ​സി​ന് മു​ക​ളി​ലു​ള്ള​വ​രെ സൂ​പ്പ​ർ സീ​നി​യ​ർ സി​റ്റി​സ​ണ്‍സ് ആ​യാ​ണ് ക​ണ​ക്കാ​ക്കു​ന്ന​ത്. അ​ഞ്ചു ല​ക്ഷം രൂ​പ വ​രെയുള്ള എ​ല്ലാ​വ​ർ​ക്കും അ​ഞ്ചു ശ​ത​മാ​ന​മാ​ണ് നി​കു​തി സ്ലാ​ബ്. അതായത് 60 വ​യ​സ് മു​ത​ൽ 80 വ​യ​സു​വ​രെ​യു​ള്ള സീനിയർ സിറ്റിസൺ വിഭാഗത്തിൽ വരുന്ന പൗരന്മാർക്ക് മൂ​ന്നു ല​ക്ഷം രൂ​പ വ​രെയുള്ള വരുമാനത്തിന് നി​കു​തി ഇ​ല്ലാ​തെ വരുമ്പോൾ 2500 രൂ​പ​യു​ടെ ഇളവാ​ണ് നി​കു​തി​യി​ൽ ല​ഭി​ക്കു​ന്ന​ത്. അതേപോലെ സൂ​പ്പ​ർ സീ​നി​യ​ർ സി​റ്റി​സ​ണ്‍സി​ന് 12500 രൂ​പ​യു​ടെ​ ഇളവ് ല​ഭി​ക്കും.

മുതിർന്ന പൗരന്മാർക്ക് ലഭിക്കുന്ന നികുതി ആനുകൂല്യങ്ങൾ

അഡ്വാൻസ് ടാക്സിൽ ഇ​ള​വ്

ആദായനികുതി നിയമത്തിലെ സെക്ഷൻ 208 അനുസരിച്ച്, സാമ്പത്തിക വർഷത്തിൽ 10,000 രൂപയോ അതിൽ കൂടുതലോ നികുതി ബാധ്യത കണക്കാക്കുന്ന ഓരോ വ്യക്തിയും 'അഡ്വാൻസ് ടാക്സ്' രൂപത്തിൽ മുൻകൂട്ടി നികുതി അടയ്ക്കണം. എന്നാൽ മു​തി​ർ​ന്ന പൗ​ര​ന്മാ​ർ​ക്ക് ബി​സി​ന​സി​ൽ​ നി​ന്നും പ്രൊ​ഫ​ഷ​ണിൽ​ നി​ന്നും വ​രു​മാ​നം ഇ​ല്ലെ​ങ്കി​ൽ അ​വ​ർ മു​ൻ​കൂ​ർ നി​കു​തി അടയ്ക്കേ​ണ്ട​തി​ല്ല. ആ​ദാ​യ​നി​കു​തി റി​ട്ടേ​ണു​ക​ൾ ഫ​യ​ൽ ചെ​യ്യു​ന്ന സ​മ​യ​ത്ത് നികുതി നി​ർ​ണ​യി​ച്ച് അ​ട​ച്ചാ​ൽ മ​തിയാകും.

ബാ​ങ്ക് നിക്ഷേപങ്ങളിൽ നിന്ന് ലഭിക്കുന്ന പ​ലി​ശ

മു​തി​ർ​ന്ന പൗ​ര​ന്മാ​ർ​ക്ക് കോ-​ഓ​പ്പ​റേ​റ്റീ​വ് ബാ​ങ്കുക​ൾ​ ഉൾപ്പ​ടെ​യു​ള്ള ബാ​ങ്കുക​ ളിലെ അല്ലെങ്കിൽ​ പോ​സ്റ്റ് ഓ​ഫീ​സു​ക​ളിലെ സേ​വിം​ഗ്സ് അ​ക്കൗ​ണ്ടു​ക​ളി​ൽ നിന്നും സ്ഥിര നിക്ഷേപത്തിൽ നിന്നും ല​ഭി​ക്കു​ന്ന പ​ലി​ശ​യ്‌ക്ക് ആ​ദാ​യ​നി​കു​തി നി​യ​മത്തിലെ 80 ടി​ടി​ബി വ​കു​പ്പ​നു​സ​രി​ച്ച് 50,000 രൂ​പ​ വ​രെയുള്ള ഇ​ള​വ് ലഭിക്കും.

ചി​കി​ത്സാ​ച്ചെ​ല​വു​ക​ളി​ൽ ഇ​ള​വ്

ആദായനികുതി നിയമത്തിലെ സെക്ഷൻ 80 ഡിഡിബി പ്രകാരം, മുതിർന്ന പൗരന്മാരായ നികുതിദായകർക്ക് പാ​ർ​ക്കി​ൻ​സ​ണ്‍സ്, ഡി​മെ​ൻ​ഷ്യ പോ​ലു​ള്ള ചി​ല പ്ര​ത്യേ​ക രോ​ഗ​ങ്ങ​ളുടെ (റൂ​ൾ 11 ഡി​ഡി (1) ൽ ​സൂ​ചി​പ്പി​ച്ചി​രി​ക്കു​ന്ന രോ​ഗ​ങ്ങ​ൾ) വൈദ്യചികിത്സയ്ക്കായി ചെലവഴിച്ചതിന് ഒരു ലക്ഷം രൂപ വരെ നികുതി കിഴിവ് അവകാശപ്പെടാം. ചി​കി​ത്സ​യ്ക്കായി യ​ഥാ​ർ​ഥ​ത്തി​ൽ ചെ​ല​വാ​യ തു​ക​യാ​ണ് ക​ണ​ക്കി​ലെ​ടു​ക്കു​ന്ന​ത്. ഇ​ൻ​ഷ്വ​റ​ൻ​സ് പ​രി​ര​ക്ഷ ഉ​ണ്ടെ​ങ്കി​ൽ ല​ഭി​ക്കു​ന്ന തു​ക കി​ഴി​ച്ച് ബാ​ക്കി തു​ക​യ്ക്ക് മാ​ത്ര​മേ വ​രു​മാ​ന​ത്തി​ൽ​ നി​ന്നും കി​ഴി​വ് ല​ഭി​ക്കൂ. നികു​തി​ദാ​യ​ക​നും ആ​ശ്രി​ത​ർ​ക്കും വേ​ണ്ടി ചെ​ല​വാ​ക്കു​ന്ന തു​ക​യ്ക്ക് കി​ഴി​വ് എ​ടു​ക്കാ​വു​ന്ന​താ​ണ്.

മെ​ഡി​ക്ക​ൽ ഇ​ൻ​ഷ്വ​റ​ൻ​സ് പ്രീ​മി​യം

ആദായനികുതി നിയമമനുസരിച്ച്, ഒരു മുതിർന്ന പൗരൻ ഒരു വർഷത്തിൽ 50,000 രൂപ വരെ അടച്ച മെഡിക്കൽ ഇൻഷുറൻസ് പ്രീമിയം ഐ-ടി നിയമത്തിലെ സെക്ഷൻ 80 ഡി പ്രകാരം കിഴിവായി ക്ലെയിം ചെയ്യാൻ അനുവദിക്കുന്നുണ്ട്. മാത്രമല്ല നി​കു​തി​ദാ​യ​ക​നും മാ​താ​പി​താ​ക്ക​ളും മു​തി​ർ​ന്ന പൗ​ര​ന്മാ​ർ ആ​ണെ​ങ്കി​ൽ ഇ​വ​ർ​ക്ക് മെ​ഡി​ക്ലെ​യിം പോ​ളി​സി​ക​ൾ​ക്ക് പ​ര​മാ​വ​ധി ഒ​രു ല​ക്ഷം രൂ​പ​ വ​രെ വ​രു​മാ​ന​ത്തി​ൽ ​നി​ന്നും ഇ​ള​വ് ല​ഭി​ക്കു​ന്ന​താ​ണ്. കൂ​ടാ​തെ മെ​ഡി​ക്ക​ൽ പ​രി​ശോ​ധ​ന​യ്ക്ക് 5,000 രൂ​പ​യു​ടെ ഇ​ള​വും ല​ഭി​ക്കു​ന്ന​താ​ണ്.