49 മുതല്‍ 594 രൂപ വരെ, 28 മുതല്‍ 168 ദിവസം വരെ; ആകര്‍ഷകമായ പ്രീപെയ്ഡ് പ്ലാനുകളുമായി ജിയോഫോണ്‍

49 രൂപ പ്ലാന്‍

ജിയോ ഫോണിനു വേണ്ടി തയ്യാറാക്കിയ അഞ്ച് പ്ലാനുകളില്‍ ഏറ്റവും കുറഞ്ഞ പ്ലാനാണ് 49 രൂപയുടേത്. 28 ദിവസമാണ് ഇതിന്റെ കാലാവധി. പരിധിയില്ലാത്ത ടോക്ക്‌ടൈമാണ് ഇതിന്റെ സവിശേഷത. ഫോണ്‍ വിളിക്കാന്‍ മാത്രമാണ് കണക്ഷന്‍ ഉപയോഗിക്കുന്നതെങ്കില്‍ ഇതിനേക്കാള്‍ നല്ല ഓഫര്‍ വേറെ കിട്ടാനില്ല. ഇതിനോടൊപ്പം 50 എസ്എംഎസ്, ജിയോ ആപ്പുകളുടെ സൗജന്യ സേവനം, ഒരു ജിബി ഡാറ്റ എന്നിവയും ഇതില്‍ ലഭിക്കും. കൂടുതല്‍ ഡാറ്റ വേണ്ടവര്‍ക്ക് 51 രൂപയ്ക്ക് 3 ജിബിയും 101 രൂപയ്ക്ക് 6 ജിബിയും ഡാറ്റ സ്വന്തമാക്കാം.

99 രൂപ പ്ലാന്‍

99 രൂപയുടെ പ്ലാനിനും കാലാവധി 28 ദിവസം തന്നെ. പരിധിയില്ലാത്ത ടോക്ക്‌ടൈമിനൊപ്പം 14 ജിബി ഡാറ്റയും ലഭിക്കും എന്നതാണ് ഇതിന്റെ സവിശേഷത. ഒരു ദിവസം അര ജിബി ഹൈസ്പീഡ് ഡാറ്റയെന്ന പരിധിയുമുണ്ട്. അതു കഴിഞ്ഞാല്‍ ചെറിയ വേഗതയില്‍ നെറ്റ് ലഭിക്കും. കൂടാതെ 300 എസ്എംഎസ്സും സൗജന്യമായി ജിയോ ആപ്പുകളും.

153 രൂപ പ്ലാന്‍

പരിധിയില്ലാതെ ഫോണ്‍ ചെയ്യാനും അതോടൊപ്പം സമാന്യം നല്ല രീതിയില്‍ ബ്രൗസ് ചെയ്യാനും അവസരം നല്‍കുന്നതാണ് ഈ മീഡിയം പ്ലാന്‍. ഈ പ്ലാനിന്റെയും കാലാവധി 28 ദിവസം തന്നെ. ഒരു ദിവസം 1.5 ജിബി ഫോര്‍ജി ഡാറ്റയാണ് ഉപഭോക്താവിന് ലഭിക്കുന്നത്. അതായത് 28 ദിവസത്തേക്ക് ആകെ 42 ജിബി അതിവേഗ ഡാറ്റ. പുറമെ 100 എസ്എംഎസ്സുകളും ജിയോ ആപ്പുകളും സൗജന്യം.

297 രൂപ പ്ലാന്‍

പരിധിയില്ലാത്ത ടോക്ക് ടൈമിനൊപ്പം കൂടുതല്‍ കാലത്തേക്ക് മോശമല്ലാതെ ഡാറ്റ ഉപയോഗത്തിന് അവസരമൊരുക്കുന്നതാണ് 297 രൂപ പ്ലാന്‍. 84 ദിവസമാണ് ഇതിന്റെ വാലിഡിറ്റി കാലാവധി. ഒരു ദിവസം അര ജിബി വച്ച് ആകെ 42 ജിബി അതിവേഗ ഇന്റര്‍നെറ്റ് ഡാറ്റയാണ് ഈ പ്ലാനില്‍ ജിയോ ഫോണ്‍ ഉപയോക്തക്കള്‍ക്ക് നല്‍കുന്നത്. കൂടാതെ 300 എസ്എംഎസ്സും സൗജന്യമായി ജിയോ ആപ്പുകളും.

594 രൂപ പ്ലാന്‍

ദീര്‍ഘ കാലത്തെ ഉപയോഗത്തിന് അനുയോജ്യമായ പ്ലാനാണിത്. 268 ദിവസമാണ് ഈ പ്ലാനിന്റെ കാലാവധി. പരിധിയില്ലാത്ത കോള്‍ ഓഫറിനൊപ്പം ദിവസം 0.5 ജിബി എന്ന തോതില്‍ 84 ജിബി ഹൈസ്പീഡ് ഇന്റര്‍നെറ്റ് ഡാറ്റയും ലഭിക്കും. ഡാറ്റ പരിധി കഴിഞ്ഞാല്‍ 64 കെബിപിഎസ് വേഗതയില്‍ നെറ്റ് ലഭ്യത തുടരും. കൂടാതെ 300 എസ്എംഎസ്സും സൗജന്യമായി ജിയോ ആപ്പുകളും.