ബോളിവുഡ് സുന്ദരിമാരിൽ ഏറ്റവും വലിയ പണക്കാരി ആര്? കോടികൾ വാരിക്കൂട്ടിയ നടിമാർ ഇവരാണ്

ദീപിക പദുക്കോൺ

ബോളിവുഡിലെ ഏറ്റവും മികച്ച നടിമാരിലൊരാളാണ് ദീപിക പദുക്കോൺ. 'ഓം ശാന്തി ഓം' എന്ന സിനിമയിൽ അരങ്ങേറ്റം കുറിച്ചതിനു ശേഷം ദീപികയ്ക്ക് തിരിഞ്ഞു നോക്കേണ്ടി വന്നിട്ടില്ല. ഹോളിവുഡ് സിനിമയായ "Xxx"ൽ കൂടി അഭിനയിച്ചതോടെ ദീപിക കൂടുതൽ ജനപ്രീതി നേടുകയും താരമൂല്യം ഉയരുകയും ചെയ്തു. 45 മില്യൺ ഡോളറാണ് നിലവിൽ ദീപിക പദുക്കോണിന്റെ സമ്പാദ്യം.

പ്രിയങ്ക ചോപ്ര

ലോക പ്രശസ്ത നടിയായി മാറിയ പ്രിയങ്ക ചോപ്രയാണ് സമ്പാദ്യത്തിന്റെ കാര്യത്തിൽ രണ്ടാം സ്ഥാനത്തുള്ളത്. 2000ലെ മിസ്സ് വേൾഡ് കൂടിയാണ് പ്രിയങ്ക ചോപ്ര. ബോളിവുഡിൽ തിളങ്ങി നിന്ന സമയത്താണ് പ്രിയങ്ക ക്വാണ്ടിക്കോ എന്ന ഇം​ഗ്ലീഷ് പരിപാടിയിലൂടെ ഏറ്റവും കൂടുതൽ പ്രതിഫലം വാങ്ങുന്ന ടെലിവിഷൻ താരമായി മാറിയത്. 40 മില്യൺ ഡോളറാണ് പ്രിയങ്ക ചോപ്രയുടെ സമ്പാദ്യം.

മാധുരി ദീക്ഷിത്

ബോളിവുഡ് നടിയും മികച്ച നർത്തകിയും കൂടിയാണ് മാധുരി ദീക്ഷിത്. 52-ാം വയസ്സിലും മാധുരി ദീക്ഷിത്തിന് ആരാധകരേറെയാണ്. മാത്രമല്ല ഏറ്റവും കൂടുതൽ പ്രതിഫലം ലഭിച്ചിരുന്ന ഇന്ത്യൻ നടിമാരിൽ ഒരാളാണ് മാധുരി. 35 മില്യൺ ഡോളരാണ് മാധുരി ദീക്ഷിത്തിന്റെ സമ്പാദ്യം.

ഐശ്വര്യ റായ്

1994ലെ മിസ്സ് വേൾഡ് ആണ് ഐശ്വര്യ റായ്. ഇരുവർ എന്ന ആദ്യ സിനിമയ്ക്ക് ശേഷം ഐശ്വര്യ റായ് ബോളിവുഡിലെ ഒന്നാം നമ്പർ നായികയായി മാറിയിരുന്നു. എന്നാൽ കുറച്ചു കാലങ്ങളായി വളരെ കുറച്ച് സിനിമകളിൽ മാത്രമാണ് ഐശ്വര്യ അഭിനയിക്കുന്നുള്ളൂ. ഐശ്വര്യ റായ് ബോളിവുഡിൽ നിന്നുണ്ടാക്കിയ സമ്പാദ്യം 35 മില്യൺ ഡോളർ വരുമെന്നാണ് കണക്കുകൾ സൂചിപ്പിക്കുന്നത്.

പ്രീതി സിന്റ

ബോളിവുഡിലെ മികച്ച നടിമാരിലൊരാളാണ് പ്രീതി സിന്റ. അഭിനയത്തിൽ നിന്ന് അൽപ്പം വിട്ടു നിൽക്കുന്നുണ്ടെങ്കിലും ഐപിഎല്ലിൽ കിംഗ്സ് XI പഞ്ചാബ് ടീമിന്റെ ഉടമ കൂടിയാണ് പ്രീതി സിന്റ. 30 മില്യൺ ഡോളറാണ് പ്രീതി സിന്റയുടെ സമ്പാദ്യം.

വിദ്യ ബാലൻ

കരിയറിന്റെ തുടക്കത്തിൽ മികച്ച റോളുകൾ ലഭിച്ചിരുന്നില്ലെങ്കിലും പിന്നീട് ശക്തമായ സ്ത്രീ കഥാപാത്രങ്ങളാമ് വിദ്യയെ തേടിയെത്തിയത്. ഡേർട്ടി പിക്ച്ചർ എന്ന സിനിമയാണ് വിദ്യാ ബാലന്റെ കരിയറിലെ വഴിത്തിരിവായ ചിത്രം. 25 മില്യൺ ഡോളറാണ് വിദ്യാ ബാലന്റെ നിലവിലെ സമ്പാദ്യം.