റെയിൽവേ 200 ട്രെയിൻ സർവ്വീസുകൾ കൂടി ആരംഭിക്കും, എന്ന് മുതൽ? ബുക്കിംഗ് ഉടൻ

ജൂൺ 1 മുതൽ 200 നോൺ എസി ട്രെയിനുകൾ കൂടി സർവ്വീസ് ആരംഭിക്കുമെന്ന് റെയിൽവേ മന്ത്രാലയം അറിയിച്ചു. ഈ മാസം ആദ്യം സർവ്വീസ് ആരംഭിച്ച ശ്രമിക് സ്പെഷ്യൽ ട്രെയിനുകൾക്കും 30 പ്രത്യേക ട്രെയിനുകൾക്കും പുറമെയാണിത്. ഈ ട്രെയിനുകളുടെ ടിക്കറ്റുകൾ ഓൺലൈനിൽ മാത്രമേ ബുക്ക് ചെയ്യാൻ കഴിയുകയുള്ളൂവെന്നും ഇത്തരം ട്രെയിനുകളുടെ ബുക്കിംഗ് ഉടൻ ആരംഭിക്കുമെന്നും മന്ത്രാലയം അറിയിച്ചു. എല്ലാ ട്രെയിനുകൾ നോൺ എസി ആയിരിക്കും.

ടിക്കറ്റ് ഓൺലൈനിൽ മാത്രം

ഒരു റെയിൽ‌വേ സ്റ്റേഷനിലും ടിക്കറ്റുകൾ‌ വിൽ‌ക്കില്ലെന്നും യാത്രക്കാർ‌ ടിക്കറ്റുകൾ‌ വാങ്ങാൻ‌ റെയിൽ‌വേ സ്റ്റേഷനിൽ‌ വരരുതെന്നും ഔദ്യോഗിക പ്രസ്താവനയിൽ‌ പറയുന്നു. രാജ്യവ്യാപകമായി ലോക്ക്ഡൗൺ ഏർപ്പെടുത്തിയതിനാൽ രാജ്യത്തുടനീളമുള്ള എല്ലാ പാസഞ്ചർ ട്രെയിൻ സർവീസുകളും താൽക്കാലികമായി നിർത്തി വച്ചിരിക്കുകയാണ്. രണ്ട് മാസത്തെ ഇടവേളയ്ക്ക് ശേഷം ട്രെയിൻ സർവ്വീസുകൾ ഭാഗികമായ രീതിയിൽ പുനരാരംഭിക്കാൻ പദ്ധതിയിട്ടിട്ടുണ്ടെന്ന് കഴിഞ്ഞ ആഴ്ച മന്ത്രാലയം അറിയിച്ചിരുന്നു.

സ്പെഷ്യൽ സർവ്വീസിന് ഒരുങ്ങി ഇന്ത്യൻ റെയിൽവേ; ചില സംസ്ഥാനങ്ങൾ‌ക്ക് പ്രത്യേക ട്രെയിനുകൾ സ്പെഷ്യൽ സർവ്വീസിന് ഒരുങ്ങി ഇന്ത്യൻ റെയിൽവേ; ചില സംസ്ഥാനങ്ങൾ‌ക്ക് പ്രത്യേക ട്രെയിനുകൾ

സ്പെഷ്യൽ ട്രെയിനുകൾ

മെയ് 11 ന് 30 പ്രത്യേക എസി ട്രെയിനുകൾ ന്യൂഡൽഹിയിൽ നിന്ന് വിവിധ സംസ്ഥാനങ്ങളിലേയ്ക്ക് സർവ്വീസ് നടത്തിയിരുന്നു. മെയ് ഒന്നിന് ശേഷം റെയിൽവേ 21.5 ലക്ഷത്തിലധികം കുടിയേറ്റ തൊഴിലാളികളെ സ്വന്തം സംസ്ഥാനങ്ങളിലേക്ക് ശ്രമിക് സ്പെഷ്യൽ ട്രെയിനുകളിലൂടെ എത്തിച്ചിട്ടുണ്ട്. വിവിധ നഗരങ്ങളിലും അവരുടെ ജോലിസ്ഥലങ്ങളിലും കുടുങ്ങിക്കിടക്കുന്ന കുടിയേറ്റക്കാർക്ക് കൂടുതൽ ആശ്വാസം പകരുന്നതിനായി ശ്രാമിക് ട്രെയിനുകളുടെ എണ്ണം ഇരട്ടിയാക്കാനും ഇന്ത്യൻ റെയിൽവേ പദ്ധതിയിടുന്നുണ്ട്.

ട്രെയിൻ സർവ്വീസുകൾ മെയ് 3 വരെ ഇല്ലെന്ന് റെയിൽവേ ട്രെയിൻ സർവ്വീസുകൾ മെയ് 3 വരെ ഇല്ലെന്ന് റെയിൽവേ

കരാർ തൊഴിലാളികൾ

കോവിഡ് 19ന്റെ വ്യാപനത്തെ തുടര്‍ന്ന് ട്രെയിന്‍ സര്‍വീസുകള്‍ റദ്ദാക്കിയെങ്കിലും കരാര്‍ തൊഴിലാളികള്‍ക്ക് ശമ്പളവും നല്‍കാനാണ് റെയില്‍വെയുടെ തീരുമാനം. അമ്പതിനായിരത്തോളം വരുന്ന കരാര്‍ ജീവനക്കാര്‍ക്ക് മുഴുവന്‍ ശമ്പളവും നല്‍കുമെന്ന റെയില്‍വെ നേരത്തെ പുറത്തിറക്കിയ ഉത്തരവില്‍ പറഞ്ഞിരുന്നു. ട്രെയിന്‍ സര്‍വീസുകള്‍ റദ്ദാക്കിയതോടെ ഏറ്റവും കൂടുതല്‍ ദുരിതത്തിലായത് കരാര്‍ തൊഴിലാളികളാണ്.

ഐആർസിടിസി മൂന്ന് ട്രെയിനുകളുടെ ബുക്കിംഗ് ഏപ്രിൽ 30 വരെ റദ്ദാക്കി, ലോക്ക് ഡൌൺ നീട്ടുമോ? ഐആർസിടിസി മൂന്ന് ട്രെയിനുകളുടെ ബുക്കിംഗ് ഏപ്രിൽ 30 വരെ റദ്ദാക്കി, ലോക്ക് ഡൌൺ നീട്ടുമോ?