<p><strong>

</strong>ഐസിഐസിഐ ബാങ്കിന് 30 ലക്ഷവും ഐഎന്‍ജി വൈശ്യാ ബാങ്കിന് 55 ലക്ഷവും പിഴ ചുമത്താന്‍ റിസര്‍വ് ബാങ്ക് തീരുമാനിച്ചു. റിസര്‍വ് ബാങ്ക് പുറത്തിറക്കിയ മാര്‍ഗ്ഗനിര്‍ദ്ദേശങ്ങള്‍ പാലിക്കുന്നതില്‍  വീഴ്ചവരുത്തിയതിനെ തുടര്‍ന്നാണിത്.</p> <p>ഉപഭോക്താക്കളെ കുറിച്ചുള്ള വിവരങ്ങള്‍(കൈവൈസി), ആന്റി മണി ലോണ്ടറിങ്, പ്രിവന്‍ഷന്‍ ഓഫ് മണ്ടി ലോണ്ടറിങ് ആക്ട് 2002, ഭീകരപ്രവര്‍ത്തനത്തിനുള്ള സഹായം എന്നിവയുമായി ബന്ധപ്പെട്ട് വ്യത്യസ്ത സമയങ്ങള്‍ കേന്ദ്രബാങ്ക് നല്‍കിയ മാര്‍ഗ്ഗനിര്‍ദ്ദേശങ്ങള്‍ പാലിക്കാന്‍ രണ്ടു ബാങ്കുകള്‍ക്കും സാധിച്ചില്ല.</p> <p>സംശയകരമായ രീതിയില്‍ പ്രവര്‍ത്തിക്കുന്ന എക്കൗണ്ടുകളെ കുറിച്ചോ എക്കൗണ്ട് ഉടമകളോ കുറിച്ചോ വ്യക്തമായ വിവരങ്ങള്‍ കൈമാറുന്നതിന് ഇരു ബാങ്കുകള്‍ക്കും സാധിച്ചില്ല.</p> <p>പിഴവുകളുമായി ബന്ധപ്പെട്ട് രണ്ടു ബാങ്കുകള്‍ക്ക് കാരണം കാട്ടിക്കല്‍ നോട്ടീസ് നല്‍കിയിരുന്നു. എന്നാല്‍ ബാങ്ക് രേഖാമൂലം നല്‍കിയ റിപ്പോര്‍ട്ടിലും ആര്‍ബിഐ നടത്തിയ പേഴ്‌സണല്‍ ഹിയറിങിലും ലഭിച്ച രേഖകളിലും ഉള്ള വസ്തുതകള്‍ പൊരുത്തപ്പെടാത്തതുകൊണ്ടാണ് പിഴ വിധിച്ചത്.</p>