<p><strong>

</strong>ക്രെഡിറ്റ് ഓപര്‍ച്യുണിറ്റീസ് ഫണ്ട് എന്ന പേരില്‍ യുടിഐ പുതിയ നിക്ഷേപ പദ്ധതി പ്രഖ്യാപിച്ചു. ഓപണ്‍ എന്‍ഡഡ് സ്‌കീമിലുള്ള ഈ പദ്ധതിയില്‍ ഒക്ടോബര്‍ 25 മുതല്‍ നവംബര്‍ എട്ടുവരെ ചേരാവുന്നതാണ്.</p> <p>വിവിധ ഡെബ്റ്റ് ഫണ്ടുകളിലും മണി മാര്‍ക്കറ്റുകളിലും പണം നിക്ഷേപിച്ച് മാന്യമായ ലാഭം നേടിയെടുക്കുകയെന്നതാണ് ഫണ്ടിന്റെ ലക്ഷ്യം. ചെറുകിട നിക്ഷേപകരെയും വന്‍കിടക്കാരെയും ഒരു പോലെ ലക്ഷ്യം വെച്ചുള്ള നിക്ഷേപപദ്ധതിയാണിത്. <br />യൂനിറ്റിന് പത്തുരൂപ മുഖവിലയുള്ള ഈ ഫണ്ടില്‍ ഏറ്റവും ചുരുങ്ങിയത് 5000 രൂപ നിക്ഷേപിക്കണം.</p> <p>എന്‍ട്രി ലോഡില്ലായെന്നതാണ് ഏറ്റവും ആകര്‍ഷകമായ കാര്യം. 365 ദിവസം വരെ 1.25 ശതമാനം 548 ദിവസം വരെ .75 ശതമാനവും എക്‌സിറ്റ് ലോഡ് ഉണ്ടായിരിക്കും. എന്നാല്‍ 548 ദിവസത്തിനുശേഷം പിന്‍വാങ്ങുന്നതിന് യാതൊരുവിധ ചാര്‍ജും ഇല്ല.</p>