<p>മുംബൈ: സെന്‍സെക്‌സ് വീണ്ടും ഉയര്‍ന്നു. കഴിഞ്ഞ 3 വര്‍ഷത്തെ ഏറ്റവും നികച്ച നിലയിലേക്ക്. 21164.52 ല്‍ സൂചിക എത്തിയപ്പോള്‍ .62%ത്തിന്റെ ഉയര്‍ച്ചയാണ് കാണിച്ചത്. നിഫ്റ്റിയാകട്ടെ 6299.15 ലേക്കും ഉയര്‍ന്നു. ഒക്ടോബര്‍ സീരീസിലെ ഈ അവസാന ദൃശ്യം ശുഭകരമായ ദീപാവലി വിപണിയെ ഉണര്‍ത്തുന്നതാണ്.</p> <p>അമേരിക്ക ഉദാരവത്ക്കരണത്തിന്റെ പദ്ധതികളുമായി മുന്നോട്ടു പോകാന്‍ തീരുമാനിക്കുകയും ഒബാമ പുതിയ പണ വായ്പാ നയം പ്രഖ്യാപിക്കുകയും ചെയ്തസാഹചര്യത്തിലാണ് വിപണി ശുഭ പ്രതീക്ഷ അര്‍പ്പിച്ചിട്ടുള്ളത്. ഏതെങ്കിലും പുതിയ പ്രഖ്യാപനം ഈ പ്രവണതയെ ഇല്ലാതാക്കാനുള്ള ഭീഷണി മാത്രമാണ് വിപണിയിലുള്ളത്.<br /><strong>

</strong></p> <p>വിപണിയില്‍ ഒക്ടോബര്‍ അവസാന മണിക്കൂറുകള്‍ ഉയര്‍ച്ചയുടെതായിരുന്നു. 7.23 ന്റെ ഉയര്‍ച്ച കാണിച്ച് തുടങ്ങുകയും 21164.52ല്‍ തൊട്ട് അവസാനിക്കുകയും ചെയ്തപ്പോള്‍ കുറവ് കാണിച്ചത് 20991.98 ല്‍ തൊട്ടപ്പോഴായിരുന്നു. എസ് ആന്റ് പി ബിഎസ്ഇ മിഡ്ക്യാപ് ഇന്‍ഡക്‌സ് 1.02 ശതമാനം വളര്‍ച്ചയും സ്മാള്‍ക്യാപ് ഇന്‍ഡക്‌സ് 0.35ശതമാനം വളര്‍ച്ചയും നേടി.</p> <p>ഹ്രസ്വകാലത്തിലേക്ക് ഓഹരികള്‍ വാങ്ങുന്നതിനായി അശ്വനി ഗുജറാള്‍ ഡോട്ട് കോമിന്റെ ഫണ്ട് മാനേജര്‍ അശ്വനി ഗുജറാളിന്റെ ചില ശുപാര്‍ശകള്‍ ചുവടെ. ഉഷ മാര്‍ട്ടിന്‍ കമ്പനി, ടൊറന്റ് ഫാര്‍മ, എല്‍ഡര്‍ ഫാര്‍മ, ആനന്ദ് രാജ , വെല്‍സ്പണ്‍ കോര്‍പ്പ്. രണ്ടോ മൂന്നോ സെഷനുകള്‍ മാത്രമേ ഇവ നഷ്ട രഹിത കമ്പനികളായി കരുതാനാകൂ. നിശ്ചിത സമയത്തിനുള്ളില്‍ അവ മികച്ച ലാഭം തരുന്നില്ലെങ്കില്‍ ഉടന്‍ തന്നെ കിട്ടിയ ലാഭവുമായി പിന്‍വാങ്ങേണ്ടതാണ്.</p> <p>മേല്‍ ശുപാര്‍ശ ലഭ്യമായ വിപണി വിവരം അനുസരിച്ച് സാമ്പത്തിക വിദഗ്ധന്‍ നിര്‍ദ്ദേശിച്ചു എന്ന് മാത്രമേ ഉള്ളു. മികച്ച ലാഭത്തിനായി നിങ്ങളുടെ സാമ്പത്തിക അഡൈസറെ സമീപിക്കേണ്ടതാണ്.</p>