Subscribe to GoodReturns Malayalam
For Daily Alerts
<p>മുംബൈ: മിനിമം ബാലന്സിലും താഴെ മാത്രം അക്കൗണ്ടില് പണമുള്ളൂ എങ്കിലും കസ്റ്റമര്മാരില് നിന്നും പിഴ ഈടാക്കരുത് എന്ന് റിസര്വ് ബാങ്ക് ഓഫ് ഇന്ത്യ ബാങ്കുകള്ക്ക് നിര്ദേശം നല്കി. എന്നാല് പിഴ ഒഴിവാക്കിയാല് ഉപഭോക്താക്കളില് നിന്നും സേവനഫീസായി അധിക തുക ഈടാക്കേണ്ടി വരും എന്ന നിലപാടിലാണ് ബാങ്കുകള്.<br /><br /><br /><br />മിനിമം ബാലന്സ് സൂക്ഷിക്കാന് കഴിവില്ലാത്ത അക്കൗണ്ട് ഹോള്ഡര്മാരെ ചൂഷണം ചെയ്യുന്നതാണ് ബാങ്കുകളുടെ നടപടി എന്നാണ് റിസര്വ് ബാങ്ക് നിരീക്ഷിക്കുന്നത്. മിനിമം ബാലന്സ് ഇല്ലാത്തവരുടെ കയ്യില് നിന്നും പിഴ ഈടാക്കുന്നതിന് പകരമായി അത്തരം സര്വ്വീസ് ഹോള്ഡര്മാര്ക്കുള്ള സേവനങ്ങള് കുറച്ചുകൊടുക്കാമല്ലോ എന്നാണ് ആര് ബി ഐയുടെ ചോദ്യം.<br /><strong>
</strong><br /><br /><br /><br />ആവശ്യത്തിന് മിനിമം ബാലന്സ് അക്കൗണ്ടില് വരുന്ന മുറയ്ക്ക് മുഴുവന് സര്വ്വീസുകളും അനുവദിച്ചുകൊടുക്കുകയുമാകാം എന്നും ആര് ബി ഐയുടെ ആദ്യ പാദ പോളിസിയില് പറയുന്നു. എന്നാല് ഇത്തരം പരിഷ്കാരങ്ങള് മറ്റ് സര്വ്വീസ് ചാര്ജ്ജുകള് കൂട്ടാന് ഇടയാക്കും എന്നാണ് ബാങ്കുകളുടെ വാദം.<br /><br /><br /><br />സ്വകാര്യ ബാങ്കുകളില് പലതിലും 10000 രൂപ വരെയാണ് മിനിമം ബാലന്സ് ആയി ആവശ്യപ്പെടുന്നത്. ന്യൂ ജനറേഷന് ബാങ്കുകളുടെ കാര്യം പറയാനുമില്ല. 10000 രൂപ മിനിമം ബാലന്സ് ഉള്ള അക്കൗണ്ടുകളില് നിന്നും എ ടി എം ഇടപാടുകള്ക്കും ചെക്ക് ബുക്കുകള്ക്കുമായി വെറും 400 രൂപ മാത്രമേ തങ്ങള്ക്ക് കിട്ടുന്നൂള്ളൂ എന്നാണ് ബാങ്കുകളുടെ വാദം. <br /><br /><br /></p>
English summary
No penalty for bank balance below minimum limit
English summary