<p>ദില്ലി: കേന്ദ്രബജറ്റിന് ദിവസങ്ങള്‍ മാത്രം ശേഷിക്കെ ആദായ നികുതിയില്‍ കൂടുതല്‍ ഇളവുകള്‍ ലഭിക്കുമെന്ന പ്രതീക്ഷയിലാണ് ഇന്ത്യയിലെ നികുതി ദായകര്‍. ധനമന്ത്രി അരുണ്‍ ജയ്റ്റ്‌ലി ആദായ നികുതി ഒഴിവു പരിധി രണ്ടു ലക്ഷത്തില്‍നിന്നും മൂന്നു ലക്ഷം രൂപയെങ്കിലുമായി വര്‍ദ്ധിപ്പിക്കുമെന്നാണ് സൂചന. സ്ത്രീകള്‍ക്കുള്ള പരിധി 3.5 ലക്ഷമോ 3.25 ലക്ഷമോ ആക്കിയും ഉയര്‍ത്തിയേക്കും.<br /><br />യുപിഎ സര്‍ക്കാരിന്റെ കാലത്ത് ആദായ നികുതി ഒഴുവു പരിധി അഞ്ചു ലക്ഷമെങ്കിലും ആക്കണമെന്നായിരുന്നു അരുണ്‍ ജയ്റ്റിലി ആവശ്യപ്പെട്ടിരുന്നത്. എന്നാല്‍ പല കടുത്ത തീരുമാനങ്ങളും വേണ്ടിവരുമെന്ന് പ്രധാനമന്ത്രി നരേന്ദ്ര മോഡി നേരത്തെ തന്നെ സൂചന നല്‍കിയിരുന്നതിനാല്‍ കൂടുതല്‍ ആശ്വാസം ജനങ്ങളിലെത്തുമെന്ന പ്രതീക്ഷ അസ്ഥാനത്തായിരിക്കും.</p> <p><strong>

</strong><br /><br />ആദായ നികുതി നിയമത്തിലെ 80 സി വകുപ്പു പ്രകാരം ലഭിക്കുന്ന ഇളവിന്റെ പരിധിയും ഉയര്‍ത്തുമെന്നാണ് റിപ്പോര്‍ട്ടുകള്‍. പ്രൊവിഡന്റ് ഫണ്ട്, ലൈഫ് ഇന്‍ഷുറന്‍സ് പ്രീമിയം, ഭവന വായ്പയുടെ മുതല്‍ തിരിച്ചടവ് തുടങ്ങിയവയ്‌ക്കെല്ലാം ലഭിക്കുന്ന ഇളവ് ഇപ്പോള്‍ 1 ലക്ഷം രൂപയാണ്. ഇത് കുറഞ്ഞത് മൂന്നു ലക്ഷമെങ്കിലും ആക്കുമെന്നാണ് പ്രതീക്ഷ. <br /><br />ആദായനികുതി 10 ാം വകുപ്പിന്റെ കീഴില്‍ ലഭിക്കുന്ന ഇളവുകള്‍ തുടരാനാണ് സാധ്യത. നിലവില്‍, ലീവ് ട്രാവല്‍ അലവന്‍സ്(എല്‍.ടി.എ), ഗ്രാറ്റുവിറ്റി, ലീവ് സറണ്ടര്‍ തുക, പെന്‍ഷന്‍ കമ്മ്യൂട്ടേഷന്‍, സൂപ്പറാന്വേഷന്‍ ഫണ്ട്, കാര്‍ഷിക വരുമാനം, പെന്‍ഷന്‍ കമ്മ്യൂട്ടേഷന്‍, വോളിന്ററി റിട്ടയര്‍മെന്റ്(വി.ആര്‍.എസ്) വഴിയുള്ള ആനുകൂല്യം, ഡിവിഡന്റ്, വീട്ടുവാടക, കുട്ടികളുടെ വിദ്യാഭ്യാസ ചിലവും ഹോസ്റ്റല്‍ അലവന്‍സ്, പിഎഫ് തുടങ്ങിയവയ്ക്ക് നികുതി ഇളവുകള്‍ നല്‍കിവരുന്നുണ്ട്. ഇളവുകളുടെ പരിധി ഉയര്‍ത്തണമെന്ന് പല ജീവനക്കാരുടെ സംഘടനകളും സര്‍ക്കാരിന് മുന്നില്‍ നിര്‍ദ്ദേശം വച്ചിട്ടുണ്ടെന്നാണ് വിവരം.<br /><br /><br /></p>