<p>മുംബൈ: ഇന്ത്യന്‍ ഓണ്‍ലൈന്‍ ഷോപ്പിംഗ് രംഗത്ത് കോടികളുടെ വ്യാപാരമാണ് അനുദിനം നടന്നുകൊണ്ടിരിക്കുന്നത്. സാധാരണ ഷോപ്പുകള്‍ക്ക് പോലും തിരിച്ചടിയാകുംവിധമാണ് ഓണ്‍ലൈന്‍ ഷോപ്പിംഗ് രംഗത്തിന്റെ വളര്‍ച്ച. വരുന്ന രണ്ടു വര്‍ഷത്തിനുള്ളല്‍ ഇപ്പോഴുള്ളതിന്റെ ഇരട്ടിയോളമാകും ഓണ്‍ലൈന്‍ ഷോപ്പിംഗ് എന്നാണ് കണക്കു കൂട്ടുന്നത്.<br /><br />മികച്ച സര്‍വീസും ഓഫറുകളുമാണ് ഉപഭോക്താക്കളെ ഓണ്‍ലൈന്‍ ഷോപ്പിംഗില്ക്ക് ആകര്‍ഷിക്കുന്ന മുഖ്യഘടകം. ഷോപ്പിംഗ് സൈറ്റുകള്‍ നല്‍കുന്ന ഓഫറുകള്‍ കൂടാതെ സാധനങ്ങളുടെ വിലയില്‍ ചെറിയ വിഹിതം തിരിച്ചു ലഭിക്കാന്‍ ക്യാഷ് ബാക്ക് സൈറ്റുകളിലൂടെ ഷോപ്പിംഗ് നടത്തിയാല്‍ മതി. 1 ശതമാനം മുതല്‍ അമ്പതു ശതമാനം വരെ ചില സാധനങ്ങള്‍ക്ക് ക്യാഷ് ബാക്ക് സൈറ്റുകള്‍ തിരിച്ചു നല്‍കുന്നുണ്ട്.</p> <p><strong>

</strong><br /><br />ക്യാഷ് ബാക്ക് സൈറ്റുകള്‍ എന്നു പറയുമ്പോള്‍ ഭയക്കേണ്ട, തങ്ങള്‍ക്കിഷ്ടമുള്ള ഓണ്‍ലൈന്‍ ഷോപ്പിംഗ് സൈറ്റുകളായ ഇബേ ഡോട്ട് ഇന്‍. ഫ്‌ലിപ്കാര്‍ട്ട്, മിന്‍ട്ര, ആമസോണ്‍ ഡോട്ട് ഇന്‍, ജബോങ് എന്നിങ്ങനെയുള്ള സൈറ്റുകളില്‍ നിന്നുതന്നെ സാധനങ്ങള്‍ വാങ്ങാം. എന്നാല്‍ ഈ സൈറ്റുകളിലേക്ക് പ്രവേശിക്കുന്നത് ക്യാഷ് ബാക്ക് സൈറ്റുകളിലൂടെ ആവണമെന്നുമാത്രം.<br /><br />ഇതിനായി മികച്ച ക്യാഷ് ബാക്ക് സൈറ്റുകള്‍ കണ്ടെത്തുകയാണ് ആദ്യപടിയായി ചെയ്യേണ്ടത്. ക്യാഷ്‌കരോ, ബാഗ്ഔട്ട്, പെന്നിഫുള്‍ എന്നിവയൊക്കെ ഇന്ത്യയിലെ പ്രമുഖ ക്യാഷ് ബാക്ക് സൈറ്റുകളാണ്. ഇത്തരം സൈറ്റുകളില്‍ ആദ്യം രജിസ്റ്റര്‍ ചെയ്യണം. പിന്നീട് ഈ സൈറ്റുകളില്‍ ലോഗിന്‍ ചെയ്താണ്, ഓണ്‍ലൈന്‍ ഷോപ്പിംഗ് സൈറ്റുകളിലേക്ക് പ്രവേശിക്കേണ്ടുന്നത്. <br /><br />സാധനങ്ങള്‍ ഓര്‍ഡര്‍ നല്‍കിക്കഴിഞ്ഞാല്‍ അതാത് ഉത്പന്നങ്ങള്‍ക്ക് ലഭിക്കുന്ന കിഴിവ് ഉപഭോക്താക്കളുടെ ബാങ്ക് അക്കൗണ്ടിലേക്ക് ട്രാന്‍സ്ഫര്‍ ചെയ്യുന്നതാണ് ഇവയുടെ രീതി. ഓണ്‍ലൈന്‍ ഷോപ്പിംഗ് സൈറ്റുകള്‍ നല്‍കുന്ന കമ്മീഷനില്‍ നിന്നും ഒരുഭാഗമാണ് ഇത്തരത്തില്‍ ഉപഭോക്താക്കളിലേക്ക് ക്യാഷ് ബാക്ക് സൈറ്റുകള്‍ നല്‍കുന്നത്. സ്ഥിരമായി ഓണ്‍ലൈന്‍ ഷോപ്പിംഗ് നടത്തുന്നവര്‍ക്ക് ഏറെ ഉപകാരപ്രദമാണ് ക്യാഷ്ബാക്ക് സൈറ്റുകള്‍.<br /></p>