<p>ഡിസംബര്‍ 31ന് അവസാനിച്ച മൂന്നാം പാദത്തില്‍ മാരുതി സുസുകി ഇന്ത്യയുടെ മൊത്തലാഭം 802.2 കോടി രൂപ. 17.8 ശതമാനം വളര്‍ച്ചയാണിത്. കഴഞ്ഞ വര്‍ഷം ഇതേ പാദത്തില്‍ കമ്പനിയുടെ ലാഭം 681.15 കോടി രൂപയായിരുന്നു.</p> <p><strong>

</strong></p> <p>കമ്പനിയുടെ ഓഹരികള്‍ ഇന്നലെ ബോംബെ സ്‌റ്റോക് എക്‌സ്‌ചേഞ്ചില്‍ 2.12 ശതമാനവും നാഷനല്‍ സ്‌റ്റോക് എക്‌സ്‌ചേഞ്ചില്‍ 2.25 ശതമാനവും വളര്‍ച്ച രേഖപ്പെടുത്തി.</p> <p>കച്ചവടത്തിലെ വളര്‍ച്ചയും അസംസ്‌കൃതവസ്തുക്കളുടെ ചെലവു കുറയ്ക്കാനുള്ള ശ്രമങ്ങളും വിദേശനാണ്യവിനിമയ നിരക്കിലെ അനുകൂല വ്യതിയാനങ്ങളുമാണ് ഈ വളര്‍ച്ചയ്ക്കു പിന്നിലെന്ന് കമ്പനിയുടെ പത്രക്കുറിപ്പില്‍ പറയുന്നു.</p> <p>ഈ കാലയളവിലെ മൊത്ത വില്പന 12,263 കോടി രൂപയുടേതായിരുന്നു. മുന്‍വര്‍ഷം ഇതേ കാലയളവിനെ അപേക്ഷിച്ച് 15.5% വളര്‍ച്ച.</p> <p>വില്പനയുടെ അളവില്‍ 12.4% വളര്‍ച്ചയാണുണ്ടായത്. മുന്‍വര്‍ഷം ഇതേ പാദത്തില്‍ 2,88,151 കാറുകള്‍ വിറ്റു (ആഭ്യന്തര വിപണി 2,68,185, കയറ്റുമതി 19,966); ഇക്കൊല്ലം 3,23,911 കാറുകളും (ആഭ്യന്തര വിപണി 2,95,202, കയറ്റുമതി 28,709).</p>