<p>മുംബൈ: വരും മാസങ്ങളില്‍ സെന്‍സെക്‌സും നിഫ്റ്റിയും കൂടുതല്‍ താഴോട്ടിറങ്ങാനുള്ള സാധ്യതയുണ്ടെന്ന് വിദഗ്ധര്‍. നിഫ്റ്റി 8200ഉം സെന്‍സെക്‌സ് 27000 കടന്ന് താഴേക്ക് ഇറങ്ങുന്നത് വില്‍പ്പന സമ്മര്‍ദ്ദം മൂലമാണ്. കഴിഞ്ഞ ദിവസം ക്ലോസ് ചെയ്യുമ്പോള്‍ സെന്‍സെക്‌സ് സേഫ് സോണില്‍ എത്തിയെങ്കിലും കാര്യമായ പ്രതീക്ഷ വേണ്ട. ദീപാവലി വരെ ഈ ട്രെന്‍ഡ് തുടരാനാണ് സാധ്യത.</p> <p>നേരത്തെ തന്നെ നമ്മള്‍ പറഞ്ഞതാണ് വിദേശ നിക്ഷേപ സ്ഥാപനങ്ങളാണ് ഇന്ത്യന്‍ വിപണിയുടെ ഒഴുക്കിനെ നിയന്ത്രിക്കുന്നത്. കേന്ദ്ര സര്‍ക്കാര്‍ ഇത്തരത്തിലുള്ള ചില സ്ഥാപനങ്ങള്‍ക്ക് ടാക്‌സ് നോട്ടീസ് അയച്ചിട്ടുണ്ട്. ഇതേ തുടര്‍ന്ന് പല കമ്പനികളും വിപണിയില്‍ നിന്നും പണം പിന്‍വലിക്കാന്‍ തുടങ്ങിയിട്ടുണ്ട്.ഇന്ത്യന്‍ കമ്പനികള്‍ മാര്‍ച്ച് ക്വാര്‍ട്ടറില്‍ പുറത്തുവിട്ട റിപ്പോര്‍ട്ടും ആശാവഹമല്ല. പലിശ കുറയ്ക്കാനുള്ള റിസര്‍വ് ബാങ്ക് തീരുമാനവും നീണ്ടു പോവുകയാണ്.</p> <p><strong>

</strong></p> <p>എങ്കിലും കയറ്റിറക്കങ്ങള്‍ ഉള്ള വിപണി പ്രതീക്ഷിക്കാം. പ്രതികൂല ഘടകങ്ങളുണ്ടെങ്കിലും ഇന്ത്യന്‍ വിപണി നല്ലതുപോലെ പിടിച്ചു നില്‍ക്കും. അതാണ് ചരിത്രം. കള്ളപ്പണത്തിനെതിരേ സര്‍ക്കാറെടുക്കുന്ന തീരുമാനങ്ങള്‍ നമ്മുടെ വിപണിയെ പരോക്ഷമായി ബാധിക്കുമെന്ന കാര്യത്തില്‍ സംശയം വേണ്ട.</p> <p>ഇന്ത്യന്‍ കോര്‍പ്പറേറ്റുകളുടെ ബ്ലാക് മണി തന്നെയാണ് പലപ്പോഴും മൗറീഷ്യസിലൂടെ ഇന്ത്യയിലെത്തുന്നത്. സര്‍ക്കാര്‍ നിയമം ശക്തമാക്കുമ്പോള്‍ ഇവര്‍ പതുക്കെ പിന്‍വാങ്ങും. കാലാകാലങ്ങളായി നടക്കുന്ന കള്ളനും പോലിസും കളിയാണിത്.</p>