പണപ്പെരുപ്പ നിരക്കിനെ പിടിച്ചുനിര്‍ത്തുന്നതില്‍ ഒരു പരിധിവരെ നമുക്ക് വിജയിക്കാന്‍ സാധിച്ചിട്ടുണ്ട്. അതുകൊണ്ടു തന്നെ പുതിയ സാമ്പത്തിക അവലോകന യോഗത്തില്‍ പലിശനിരക്കുകളില്‍ റിസര്‍വ് ബാങ്ക് അരശതമാനം കുറവ് വരുത്തിയാല്‍ അദ്ഭുതപ്പെടേണ്ട കാര്യമില്ല.

ഫിക്‌സഡ് നിക്ഷേപം ഇഷ്ടപ്പെടുന്നവര്‍ക്ക് യോജിച്ച ഏറ്റവും നല്ല സ്ഥാപനങ്ങളാണ് കെടിഡിഎഫ്‌സിയും എച്ച് ഡിഎഫ്‌സിയും, 25 ലക്ഷത്തിനു താഴെയുള്ള നിക്ഷേപങ്ങള്‍ക്ക് കേരള ട്രാന്‍സ്‌പോര്‍ട്ട് ഡെവലപ്‌മെന്റ് ഫിനാന്‍സ് കോര്‍പ്പറേഷന്‍ നല്‍കുന്ന പലിശ അമ്പരപ്പിക്കുന്നതാണ്. സീനിയര്‍ സിറ്റിസണ്‍സിന് 25 ലക്ഷത്തില്‍ താഴെയാണെങ്കില്‍ കാല്‍ ശതമാനവും 25 ലക്ഷത്തിനു മുകളിലാണെങ്കില്‍ അര ശതമാനവും അധികം ലഭിക്കും. സര്‍ക്കാര്‍ കമ്പനിയായതിനാല്‍ പണം പോകുമെന്ന പേടിയും വേണ്ട.

ട്രിപ്പിള്‍ എ സ്റ്റാറുള്ള ഡിപ്പോസിറ്റ് സ്‌കീമാണ് ഹൗസിങ് ഫിനാന്‍സ് സ്ഥാപനമായ എച്ച്ഡിഎഫ്‌സിയുടെത്. കഴിഞ്ഞ 20 വര്‍ഷമായി ക്രിസിലും ഇക്രയും നല്‍കുന്ന റേറ്റിങ് തന്നെയാണ് ഈ ഡിപ്പോസിറ്റിനെ ആകര്‍ഷകമാക്കുന്നത്. ബാങ്കുകള്‍ നല്‍കുന്ന പലിശയേക്കാള്‍ എത്രയോ കൂടുതലാണിത്. എച്ച്ഡിഎഫ്‌സി ബാങ്കിന്റെ തന്നെ ഗ്രൂപ്പില്‍ നിന്നുള്ള കമ്പനിയാണിത്.