വയസ്സുകാലത്ത് ആയിരം മുതല് അയ്യായിരം രൂപ വരെ പെന്ഷന് ഉറപ്പാക്കുന്ന പദ്ധതിയാണ് അടല് പെന്ഷന് യോജന. അസംഘടിത മേഖലയിലുള്ള തൊഴിലാളികളെ ലക്ഷ്യമാക്കിയാണ് കേന്ദ്ര സര്ക്കാര് ഈ പദ്ധതി പ്രഖ്യാപിച്ചിട്ടുള്ളത്.
എന്നാല് മികച്ച ലക്ഷ്യത്തോടെ ആരംഭിച്ച ഈ പദ്ധതിക്ക് വേണ്ടത്ര സ്വീകാര്യതയില്ലെന്നാണ് ഇതുവരെയുള്ള കണക്കുകള് വ്യക്തമാക്കുന്നത്.
വ്യക്തതയില്ലായ്മ
പദ്ധതിയെ കുറിച്ചുള്ള അടിസ്ഥാന കാര്യങ്ങളില് ചിത്രം വ്യക്തമാക്കാത്തതാണ് പ്രധാന പോരായ്മ. ഈ തുക സര്ക്കാര് എവിടെയാണ് നിക്ഷേപിക്കുന്നത്? മുടങ്ങിയാല് എന്തു സംഭവിക്കും? നോമിനിക്ക് പണം കിട്ടുമോ? നികുതി ബാധ്യത ഉണ്ടോ? ഇത്തരം കാര്യങ്ങളെ കുറിച്ച് പദ്ധതി കൂടുതല് വ്യക്തത നല്കേണ്ടതുണ്ട്.
തുച്ഛമായ പെന്ഷന്
പരമാവധി കിട്ടുന്നത് 5000 രൂപയാണ്. അതും 20 മുതല് 42 വര്ഷം വരെ പണം അടച്ചതിനുശേഷം കിട്ടുന്നത്. ഭാവിയില് ഈ തുച്ഛമായ പെന്ഷന് കൊണ്ട് ഒരു കാര്യവും ഉണ്ടാകില്ല. പണപ്പെരുപ്പത്തിനുള്ള സാധ്യതകല് പദ്ധതി പരിഗണിച്ചിട്ടില്ല.
കുറഞ്ഞ പലിശ
ദീര്ഘകാലത്തേക്ക് പണം നിക്ഷേപിക്കുകയാണെങ്കില് മികച്ച ലാഭം കിട്ടേണ്ടതാണ്. ബാങ്കുകള് 9.10 ശതമാനം വരെ പലിശ കൊടുക്കുന്ന സമയത്ത് ഈ ദീര്ഘകാല നിക്ഷേപത്തിനുള്ള പലിശ 7.1 ശതമാനം മാത്രമാണ്.
പ്ലാന് ലോക്കാണ്
പലിശ ഉയരുകയും താഴുകയും ചെയ്യും. പലിശ കുറയുമ്പോള് സംരക്ഷണം നല്കുകയും കൂടുമ്പോള് അത് നിക്ഷേപകന് നല്കുകയും ചെയ്യുന്ന രീതിയായിരുന്നു ഇതില് വേണ്ടിയിരുന്നത്. അതിനു പകരം 42 വര്ഷം വരെ ഒരേ ശതമാനം പലിശയാണ് ലഭിക്കുന്നത്.
പിപിഎഫിന്റെ പലിശ പോലും ഇല്ല
നിക്ഷേപകര്ക്ക് ഏറ്റവും ചുരുങ്ങിയത് പിപിഎഫിന്റെ പലിശയെങ്കിലും കിട്ടണമെന്ന നിലപാടാണ് പലരും അറിയിച്ചിട്ടുള്ളത്. അല്ലെങ്കില് ഇതിനേക്കാള് മികച്ചത് ബാങ്ക് പത്തുവര്ഷ കാലയളവില് ബാങ്കില് ആര്ഡി നിക്ഷേപിക്കുന്നതാണ്.