ഐസിഐസിഐ ബാങ്ക്, ടാറ്റ സ്റ്റീല്, ടാറ്റ മോട്ടോഴ്സ്, ഒഎന്ജിസി, ഹിന്ഡാല്കോ ഇന്ഡസ്ട്രീസ് എന്നീ പ്രമുഖ കമ്പനികളുടേതുള്പ്പടെ 30 സെന്സെക്സ് ഓഹരികളില് 11 എണ്ണവും 52 ആഴ്ചയിലെ ഏറ്റവും താഴന്ന നിലവാരത്തിലാണ് എത്തിയത്.
കെയിന് ഇന്ത്യ, ഗെയില്(ഇന്ത്യ), എന്എംഡിസി, എന്ടിപിസി, ടാറ്റ പവര്, വേദാന്ത തുടങ്ങിയവയാണ് മറ്റ് കമ്പനികള്. നഷ്ടത്തില് സെന്സെക്സിനുമാത്രം 1000ലേറെ പോയന്റാണ് ഒരൊറ്റദിവസം കൊണ്ട് നഷ്ടപ്പെട്ടത്.
സൂചികയിലുള്ള 127 ഓഹരികള് 52 ആഴ്ചയിലെ താഴ്ന്ന നിലവാരത്തിലാണ്. ബാങ്കിങ് മേഖലയിലെ ദേന ബാങ്ക്, ബാങ്ക് ഓഫ് മഹാരാഷ്ട്ര, ഓറിയന്റല് ബാങ്ക് ഓഫ് കൊമേഴ്സ്, വിജയ ബാങ്ക്, സൗത്ത് ഇന്ത്യന് ബാങ്ക്, പഞ്ചാപ് ആന്ഡ് സിന്ധ് ബാങ്ക് എന്നിവയും 52 ആഴ്ചയിലെ താഴന്ന നിലവാരത്തില് എത്തി മെറ്റല് കമ്പനികളുടെ വിഭാഗത്തില് ടാറ്റ സ്പോഞ്ച് അയേണ്, സെയില്, നാഷ്ണല് അലുമിനിയും എന്നീ കമ്പനികളും 52 ആഴ്ചയിലെ താഴ്ന്ന നിലവാരത്തിലാണ്. യു.എസ് വിപണികളില് രൂപപ്പെട്ട കനത്ത വില്പന സമ്മര്ദമാണ് സൂചികകളുടെ തകര്ച്ചിടയാക്കിയത്