ഉപഭോക്താക്കള്‍ക്ക് ഡിജിറ്റല്‍ സൗകര്യങ്ങള്‍ ലഭ്യമാക്കുന്നതിന്റെ ഭാഗമായി ഫെഡറല്‍ ബാങ്ക് എ.ടി.എമ്മുകളില്‍ എടിഎം കാര്‍ഡുപയോഗിച്ച് ഫണ്ട് കൈമാറ്റത്തിനുള്ള സൗകര്യം അവതരിപ്പിച്ചു. കഴിഞ്ഞ ദിവസമാണ് ഫെഡറല്‍ ബാങ്ക് ഇവതരിപ്പിച്ചത്.

സി 2 സി എന്ന ചുരുക്കപേരിലറിയപ്പെടുന്ന കാര്‍ഡ് ടു കാര്‍ഡ് എന്ന ഈ സൗകര്യം ഉപയോഗിച്ച് ഫെഡറല്‍ ബാങ്ക് കാര്‍ഡുകളും ഈ സൗകര്യം നല്‍കുന്ന മറ്റ് 11 ബാങ്കുകളുടെ കാര്‍ഡുകളും തമ്മിലാണ് ഫണ്ട് കൈമാറ്റം നടത്തുവാന്‍ സാധിക്കുക. ആര്‍.ബി.ഐ. മാനദണ്ഡങ്ങളനുസരിച്ചാണ് ഇതിന്റ എല്ലാപ്രവര്‍ത്തനങ്ങളും നടത്തുക.

ഫെഡറല്‍ ബാങ്കിന്റെ എ.ടി.എം ഉപയോഗിച്ച് ഉപഭോക്താവിന് ബെനിഫിഷ്യറിയുടെ 16 അക്ക ഡെബിറ്റ് കാര്‍ഡ് നമ്പറും കൈമാറാനുള്ള തുകയും ടൈപ്പ് ചെയ്ത് ഫണ്ട് കൈമാറാന്‍ സാധിക്കും. സി 2 സിയിലൂടെ ഒരു കാര്‍ഡ് ഉപയോഗിച്ച് ഒരുദിവസം ഏറ്റവും കൂടിയത് 5000 രൂപയും ഒരുമാസം പരമാവധി 25000 രൂപയും കൈമാറാവുന്നതാണ്.