ഇന്ത്യയില് വനിതാ ഇന്ഷുറന്സ് വിപണി തകര്ക്കുന്നു. ഇന്ത്യയിലെ വനിതാ ഇന്ഷ്വറന്സ് വിപണി 2030 ആവുമ്പോഴേയ്ക്കും 1.4 ലക്ഷം കോടി രൂപയ്ക്കും 2.3 ലക്ഷം കോടി രൂപയ്ക്കും ഇടയിലായിരിക്കുമെന്ന് പഠനം.
പ്രമുഖ ആഗോള ഇന്ഷുറന്സ് കമ്പനിയായ ആക്സ ലോക ബാങ്കിന്റെ ഭാഗമായ ഐഎഫ്സി, അക്സഞ്ച്വര് എന്നിവയുമായി ചേര്ന്ന് നടത്തിയ പഠനമാണ് ഈ കണ്ടെത്തലിലെത്തിയിരിക്കുന്നത്. 2013ലെ പ്രീമിയം തുകയായ 65500 കോടി രൂപയുടെ രണ്ട് മുതല് നാല് വരെ ഇരട്ടിയായിരിക്കും 2030ലെ മേല്പറഞ്ഞ പ്രീമിയം തുക.
ഇന്ത്യയില് ഇന്ഷുറന്സ് പോളിസി എടുത്തവരില് 20 മുതല് 30 ശതമാനം വരെ മാത്രമാണ് സ്ത്രീകള്. തൊഴിലെടുക്കുന്ന വനിതകളുടെ വരുമാനത്തില് വര്ധനവുണ്ടായിട്ടുണ്ടെങ്കിലും കനത്ത പ്രീമിയമടക്കാനുള്ള സാമ്പത്തിക ശേഷി സ്ത്രീകള്ക്കില്ല എന്നത് വസ്തുതയാണ്.
വനിതാ സംരംഭകത്വ രംഗത്ത് ഓരോ വര്ഷവും 4.5 ശതമാനത്തിന്റെ വര്ധന കാണുന്നു. വനിതകള് ട്രേഡ് യൂണിയന് രംഗത്തും സജീവമായിക്കൊണ്ടിരിക്കുന്നു. ഇതൊക്കെ ഇന്ഷുറന്സ് മേഖലയ്ക്കനുകൂലമായ ഘടകമാണെന്ന് ഭാരതി ആക്സ പറയുന്നു