ഓണ്ലൈന് വിപണിയിലും വ്യാജന്മാര്. ചൈനീസ് ഓണ്ലൈന് വിപണിയിലെ ഏകദേശം 40 ശതമാനം ഉത്പന്നങ്ങളും വ്യാജമോ അല്ലെങ്കില് ഗുണനിലവാരമില്ലാത്തവയോ ആണെന്ന് റിപ്പോര്ട്ട്.നിശ്ചിത ഗുണനിലവാരമുള്ളത് 58.7 ശതമാനം ഉത്പന്നങ്ങള് മാത്രമാണ്. ആലിബാബഡോട്ട്കോം ഉള്പ്പടെയുള്ള ഇകൊമേഴേസ് സ്ഥാപനങ്ങളില് വില്പനയ്ക്ക് വെച്ചിട്ടുള്ള ഉത്പന്നങ്ങള്ക്കെതിരെ പരാതികള് ഏറിയതായും റിപ്പോര്ട്ട് പറയുന്നു.
കഴിഞ്ഞ വര്ഷത്തെ അപേക്ഷിച്ച് പരാതികള് 356.6 ശതമാനം വര്ധിച്ചതായും ചൈനയിലെ ഉപഭോക്ത്യ അവകാശ സംരക്ഷണ വകുപ്പില്നിന്നുള്ള കണക്കുകള് സൂചിപ്പിക്കുന്നു.ഓണ്ലൈന് വില്പന മേഖലയിലെ വമ്പന്മരായ യു.എസിനെ ഈയിടെയാണ് ചൈന മറികടന്നത്. 44,200 കോടി ഡോളറിന്റേതാണ് ചൈനയിലെ ഓണ്ലൈന് വിപണിയിലെ വാര്ഷിക മൊത്ത വില്പന. യുഎസില് ഇത് 30,000 കോടി ഡോളറാണ്.
ചൈന ഇന്റെര്നെറ്റ് നെറ്റവര്ക്ക് ഇന്ഫൊര്മേഷന് സെന്റെര് (സി.എന്.എന്.ഐ.സി) റിപ്പോര്ട്ട് പ്രകാരം 328 കമ്പനികള് ഒണ്ലൈന് വിപണിയില് പ്രവര്ത്തിക്കുന്നുണ്ട്. ചൈനയുടെ മൊത്തം ആഭ്യന്തര ഉത്പാദതനത്തിന്റെ ഏഴു ശതമാനമാണ് ഒണ്ലൈന് വിപണിയുടെ സംഭാവന. ഇരുപത് ശതമാനത്തോളം വരുന്ന ഉപഭോക്ത്യ ആവശ്യങ്ങളും ഓണ്ലൈന് വഴിയാണ് സാധ്യമാക്കുന്നത്.