പലിശ കൂടുതല്‍

ഇപ്പോള്‍ ബാങ്ക് നിക്ഷേപങ്ങള്‍ക്ക് ലഭിക്കുന്നത് 7 മുതല്‍ 7.75 ശതമാനം പലിശയാണ്. പോസ്റ്റ് ഓഫീസിലെ ദീര്‍ഘകാല നിക്ഷേപ പദ്ധതിയായ നാഷണല്‍ സേവിങ് സര്‍ട്ടിഫിക്കറ്റിനകട്ടെ നിലവില്‍ പലിശ 8.8 ശതമാനം പലിശ ലഭിക്കും.

എന്തുകൊണ്ട് നിക്ഷേപം പോസ്റ്റ് ഓഫീസില്‍

നിക്ഷേപിച്ചാല്‍ 10 വര്‍ഷത്തേയ്ക്ക് പലിശയിലുണ്ടാകുന്ന കുറവ് ബാധിക്കില്ലെന്നതിനാലാണ് നിക്ഷേപം പോസ്റ്റ് ഓഫീസിലേയ്ക്ക് മാറ്റാന്‍ പ്രേരണയാവുന്നത്

പലിശ ദീര്‍ഘകാലത്തേയ്ക്ക്

2016 ബജറ്റിനുശേഷം പോസ്റ്റ് ഓഫീസ് നിക്ഷേപങ്ങള്‍ക്ക് പലിശ കുറയാനുള്ള സാധ്യതയുള്ളതിനാല്‍ മികച്ച പലിശ ദീര്‍ഘകാലത്തേയ്ക്ക് ഉറപ്പാക്കുകയാണ് നിക്ഷേപകരുടെ ലക്ഷ്യം.

ചെറുകിട നിക്ഷേപങ്ങളുടെ പലിശ പരിഷ്‌കരിക്കും

ഇക്കഴിഞ്ഞസപ്തംബറില്‍ റിപ്പോ നിരക്കില്‍ ആര്‍ബിഐ 0.50 ശതമാനം കുറവ് വരുത്തിയ ഉടനെ ചെറുകിട നിക്ഷേപങ്ങളുടെ പലിശ പരിഷ്‌കരിക്കുന്നകാര്യം പരിഗണിക്കുമെന്ന് സര്‍ക്കാര്‍ വ്യക്തമാക്കിയിരുന്നു.

ബാങ്കുകള്‍പറയുന്നത്

ചെറുകിട നിക്ഷേപങ്ങള്‍ക്ക് കൂടിയ പലിശ നിരക്ക് വാഗ്ദാനം ചെയ്യുന്നത് ബാങ്ക് നിക്ഷേപങ്ങള്‍ ആകര്‍ഷകമല്ലാതാക്കുമെന്ന് ബാങ്കുകള്‍ നേരത്തെ പരാതിപ്പെട്ടിരുന്നു.