കേന്ദ്രസര്‍ക്കാരിന്റെ പുതിയ സ്വര്‍ണ നിക്ഷേപ പദ്ധതിയില്‍ ഫെഡറല്‍ ബാങ്ക് പങ്കാളികളാകുന്നു. സ്വര്‍ണനിക്ഷേപത്തിനു പകരമായി ബോണ്ട് നല്‍കുന്ന സര്‍ക്കാരിന്റെ പുതിയ പദ്ധതിയിലാണ് ഫെഡറല്‍ ബാങ്ക് പങ്കാളികളാകുന്നത്. ബാങ്കിന്റെ ഇന്ത്യയിലെ എല്ലാ ശാഖകളിലും ഈ സൗകര്യം ലഭ്യമാക്കി.

ഓണ്‍ലൈന്‍ വഴി ബോണ്ടുകളില്‍ നിക്ഷേപിക്കാനുള്ള സൗകര്യവും ഉടന്‍ നിലവില്‍വരും. നിക്ഷേപത്തിന്റെ തുടക്കമൂല്യത്തിന്മേല്‍ 2.75% വാര്‍ഷികനിരക്കില്‍ അര്‍ദ്ധവാര്‍ഷികമായാണ് ബോണ്ടില്‍ വരുമാനം ലഭ്യമാകുക.

സ്വര്‍ണത്തില്‍ നിക്ഷേപം നടത്താന്‍ ആഗ്രഹിക്കുന്നവര്‍ക്ക് മികച്ച അവസരമാണ് ഈ പദ്ധതിയിലൂടെ ലഭ്യമാകുമെന്നാണ് ഫെഡറല്‍ ബാങ്കിന്റെ പ്രതീക്ഷ.സ്വര്‍ണത്തിന്റെ ഗുണത്തേപ്പറ്റിയും സുരക്ഷയെപ്പറ്റിയും ആശങ്കപ്പെടേണ്ടതില്ലെന്നുമാത്രമല്ല നിക്ഷേപത്തിന് പലിശ ലഭിക്കുമെന്നതും ആകര്‍ഷകങ്ങളായ ഘടകങ്ങളാണ്.