പുതിയ റൂപേ ചിപ്പ് കാര്‍ഡുകളുമായി സൗത്ത് ഇന്ത്യന്‍ ബാങ്ക്, ഇന്ത്യന്‍ ഡെബിറ്റ് കാര്‍ഡ് ബ്രാന്‍ഡായ റൂപേയുടെ കൂടുതല്‍ സുരക്ഷിതവും നൂതനവുമായ ഇ.എം.വി. ചിപ് ഡെബിറ്റ് കാര്‍ഡുകളാണ് ഉപയോക്താക്കള്‍ക്കായി നല്‍കുന്നത്.

സാധാരണ രൂപേ കാര്‍ഡുകളില്‍നിന്നു വ്യത്യസ്തമായി ഈ കാര്‍ഡുകള്‍ രാജ്യത്തിനകത്തും പുറത്തും ഉപയോഗിക്കാവുന്നതാണ്.കേരളം ആസ്ഥാനമായ ബാങ്കുകളില്‍ ഈ സൗകര്യം ആദ്യമായി ലഭ്യമാക്കുന്ന ബാങ്കുകൂടിയാണ് സൗത്ത് ഇന്ത്യന്‍ ബാങ്ക്.

ഇതോടെ നിലവിലുള്ള പ്രമുഖ കാര്‍ഡ് ബ്രാന്‍ഡുകളായ വീസ, മാസ്റ്റര്‍, റൂപേ കാര്‍ഡ് എന്നീ മൂന്നിലും ഇ.എം.വി. ചിപ് ഡെബിറ്റ് കാര്‍ഡുകള്‍ സൗത്ത് ഇന്ത്യന്‍ ബാങ്കില്‍ ലഭ്യമാണ്.

2016 ഫെബ്രുവരി ഒന്നുമുതല്‍ സര്‍ക്കാര്‍ സ്‌കീമുകള്‍ ഒഴികെയുള്ള അക്കൗണ്ടുകള്‍ക്ക് ഇ.എം.വി ചിപ്പ് കാര്‍ഡ് നല്‍കണമെന്നാണ് റിസര്‍വ് ബാങ്കിന്റെ നിര്‍ദേശം. റൂപേ ചിപ്പ് കാര്‍ഡുകള്‍ പുറത്തിറങ്ങിയതോടെ സൗത്ത് ഇന്ത്യന്‍ ബാങ്ക് ഈ നിര്‍ദേശം നടപ്പാക്കിയിരുന്നു.