ഓഫറുകള്‍ ഒത്തിരി ഉണ്ടായിരുന്നെങ്കിലും 2015 മാര്‍ച്ചില്‍ അവസാനിച്ച സാമ്പത്തിക വര്‍ഷത്തില്‍ ഫ് ളിപ്കാര്‍ട്ട് 2000 കോടി രൂപയുടെ നഷ്ടംരേഖപ്പെടുത്തി.

സ്‌നാപ്ഡീല്‍, ആമസോണ്‍ എന്നീ പ്രധാന എതിരാളികമായുള്ള മത്സരത്തില്‍ വന്‍തോതില്‍ ഓഫറുകള്‍ നല്‍കിയതാണ് കമ്പനിക്ക് വന്‍തുക നഷ്ടമുണ്ടാക്കിയതെന്നാണ് പറയപ്പെടുന്നത്.

ഫ് ളിപ്കാര്‍ട്ട് ഇന്റര്‍നെറ്റ് പ്രൈവറ്റ് ലിമിറ്റഡ് 1,096.4 കോടിയും ഫ്‌ളിപ്കാര്‍ട്ടിന്റെ മൊത്തവ്യാപാര കമ്പനി 836.5 കോടി രൂപയും നഷ്ടമുണ്ടാക്കിയതായാണ് രജിസ്ട്രാര്‍ ഓഫ് കമ്പനീസില്‍ നല്‍കിയ രേഖകള്‍ വ്യക്തമാക്കുന്നത്.

മുന്‍സാമ്പത്തികവര്‍ഷം715 കോടിയായിരുന്നു ഇരുകമ്പനികളും മൊത്തമുണ്ടാക്കിയ നഷ്ടം .വിതരണ ചെലവുകളും വന്‍തോതിലുള്ള വിലക്കിഴിവുമാണ് കമ്പനിയുടെ നഷ്ടം പെരുപ്പിച്ചതെന്നാണ് ഓണ്‍ലൈന്‍ രംഗത്തെ വിലയിരുത്തല്‍.