പ്രമുഖ ഓണ്‍ലൈനായ അലിബാബ ഡോട്ട് കോം ഇന്ത്യന്‍ ഉപയോക്താക്കളുടെ എണ്ണം ഇരട്ടിയാക്കാനൊരുങ്ങുന്നു. ഏതാനും വര്‍ഷങ്ങള്‍ക്കുള്ളില്‍ ഒരു കോടി ഉപയോക്താക്കളെ കണ്ടെത്തുകയാണ് ലക്ഷ്യം.

ആഗോള തലത്തില്‍ നാലു കോടി ഉപയോക്താക്കളുണ്ട്. ഇന്ത്യയില്‍ മാത്രം 45 ലക്ഷവും. ഇന്ത്യയില്‍ ഇടത്തരം, ചെറുകിട സംരംഭങ്ങളുടെ വളര്‍ച്ചയാണ് അലിബാബ ഡോട്ട് കോം ലക്ഷ്യമിടുന്നത്.മൊത്ത വില്‍പനക്കാരെയും വാങ്ങലുകാരെയും ബന്ധപ്പെടുത്തുന്ന വേദിയായാണ് അലിബാബ ഡോട്ട് കോം.

ഇതിന്റെ ഭാഗമായി വിവിധ ധനസ്ഥാപനങ്ങള്‍, സംഘടനകള്‍ എന്നിവയുമായി ചേര്‍ന്ന് സ്‌മൈല്‍ ഓണ്‍ലൈന്‍ പ്ലാറ്റ്‌ഫോമും അവതരിപ്പിക്കും. ആഗോള ബിസിനസ് പങ്കാളികളെ കണ്ടെത്താനും വായ്പ ലഭ്യമാക്കാനും സര്‍ട്ടിഫിക്കേഷന്‍, സാങ്കേതിക വിദ്യ കൈമാറ്റം എന്നിവയ്ക്കും സ്‌മൈല്‍ സഹായകമാകും.