രാജ്യത്ത് പണപ്പെരുപ്പത്തില്‍ വര്‍ധന

ഒക്ടോബറില്‍ അഞ്ചു ശതമാനവും കഴിഞ്ഞ വര്‍ഷം നവംബറില്‍ 3.27 ശതമാനവുമായിരുന്നു പണപ്പെരുപ്പം. മൊത്ത വിലയനുസരിച്ച് ഒക്ടോബറില്‍ മൈനസ് 3.81 ശതമാനമായിരുന്നു പണപ്പെരുപ്പം. ഉപഭോക്തൃ വില സൂചികയനുസരിച്ച് ഭക്ഷ്യവിലപ്പെരുപ്പം നവംബറില്‍ 6.07 ശതമാനമായി ഉയര്‍ന്നതായും സര്‍ക്കാറിന്റെ കണക്കുകള്‍ പറയുന്നു. മുന്‍ മാസം ഇത് 5.25 ശതമാനമായിരുന്നു.

അതേസമയം, വര്‍ധനയുണ്ടെങ്കിലും തുടര്‍ച്ചയായ 13ാം മാസമാണ് മൊത്ത വില പണപ്പെരുപ്പം നെഗറ്റിവില്‍ തുടരുന്നത്. കഴിഞ്ഞ വര്‍ഷം നവംബറിലാണ് പണപ്പെരുപ്പം നെഗറ്റിവിലത്തെിയത്. അന്ന് മൈനസ് 0.17 ശതമാനമായിരുന്നു പണപ്പെരുപ്പം.മൊത്തവില സൂചികയനുസരിച്ചുള്ള ഭക്ഷ്യ വിലപ്പെരുപ്പം നവംബറില്‍ 5.20 ശതമാനമായി ഉയര്‍ന്നു. ഒക്ടോബറില്‍ ഇത് 2.44 ശതമാനമായിരുന്നു.