രാജ്യത്ത് പാന്‍ കാര്‍ഡ് നിര്‍ബന്ധമാക്കുന്നു. രണ്ടു ലക്ഷത്തിനു മുകളിലുള്ള സാമ്പത്തിക ഇടപാടുകള്‍ക്ക് പാന്‍ കാര്‍ഡ് നിര്‍ബന്ധമാക്കുമെന്നു കേന്ദ്ര ധനമന്ത്രി അരുണ്‍ ജയ്റ്റ്‌ലി ലോക്‌സഭയെ അറിയിച്ചു. ലോക്‌സഭയില്‍ അധിക ധനാഭ്യര്‍ത്ഥനക്കുള്ള ചര്‍ച്ചയ്ക്ക് മറുപടി പറയവെയാണ് ഇക്കാര്യം ജയ്റ്റ്‌ലി അറിയിച്ചത്.

ക്രെഡിറ്റ്, ഡെബിറ്റ് കാര്‍ഡുകള്‍ വഴിയുള്ള സാമ്പത്തിക ഇടപാടുകളുടെ പരിധിയും കൂട്ടും. ഒരു ലക്ഷം രൂപയില്‍ നിന്ന് 5 ലക്ഷം രൂപവരെയാക്കി കൂട്ടാനാണ് സര്‍ക്കാര്‍ ആലോചിക്കുന്നത്. കാര്‍ഡ് വഴിയുള്ള സാമ്പത്തിക ഇടപാടുകള്‍ക്ക് കൂടുതല്‍ ആനുകൂല്യങ്ങള്‍ ലഭിക്കും.

രാജ്യത്തിന് നടപ്പ് സാമ്പത്തിക വര്‍ഷം പ്രതീക്ഷ വളര്‍ച്ച കൈവരിക്കാനാകൂവെന്നും ധനമന്ത്രി പറഞ്ഞു. ധനകമ്മി 3.5 ശതമാനമാക്കുകയാണ് ലക്ഷ്യം. സാമ്പത്തിക വളര്‍ച്ച 7.5 ശതമാനമാകുമെന്നാണു പ്രതീക്ഷയെന്നും ധനമന്ത്രി വ്യക്തമാക്കി.