നിങ്ങള്‍ക്ക് ലോണ്‍ ഉണ്ടോ? എങ്കില്‍ ഇതാ നിങ്ങള്‍ക്കൊരു ഒരു സന്തോഷ വാര്‍ത്ത. നിങ്ങളുടെ പ്രതിമാസ തിരിച്ചടവില്‍ കുറവുണ്ടായേക്കും. ബാങ്കുകളുടെ അടിസ്ഥാന പലിശ നിരക്ക് നിര്‍ണയിക്കുന്നതിനു റിസര്‍വ് ബാങ്ക് ഓഫ് ഇന്ത്യ നടപ്പാക്കിയ പുതിയ രീതി നിലവില്‍ വരുന്നതോടെയാണിത്.

ബാങ്കുകള്‍ വായ്പ നല്‍കാനാകുന്ന മിനിമം നിരക്കാണ് ബേസ് റേറ്റ് അഥവാ അടിസ്ഥാന പലിശ. നിക്ഷേപങ്ങളുടെ ശരാശരി നിരക്കു പ്രകാരമാണു ബാങ്കുകള്‍ നിലവില്‍ അടിസ്ഥാന പരിശ നിരക്ക് നിര്‍ണയിക്കുന്നത്. പുതിയ രീതി പ്രകാരം മാര്‍ജനല്‍ കോസ്റ്റ് കണക്കാക്കിയാകും അടിസ്ഥാന നിരക്ക് നിര്‍ണയിക്കുക.

ഈ വര്‍ഷം ഇതുവരെ റീപോ നിരക്കില്‍ റിസര്‍വ് ബാങ്ക് 125 ബേസിസ് പോയിന്റിന്റെ കുറവു വരുത്തിയിരുന്നെങ്കിലും ഇതിന്റെ ആനുകൂല്യം പൂര്‍ണമായി ജനങ്ങളിലേക്കെത്തിച്ചിട്ടില്ല. ഇതു പരിഹരിക്കുന്നതും റിസര്‍വ് ബാങ്കിന്റെ പുതിയ തീരുമാനത്തിനു പിന്നിലുണ്ട്. പുതിയ രീതി നടപ്പാക്കുന്നതോടെ ഭവന, വാഹന വായ്പകളുടെ ഇഎംഐയില്‍ കുറവുണ്ടായേക്കുമെന്നാണു സാമ്പത്തിക വിഗഗ്ധര്‍; കണക്കാക്കുക. വരുന്ന ഏപ്രില്‍ ഒന്നു മുതലാകും പുതിയ രീതി നടപ്പാക്കുക