രാജ്യത്ത് മാത്രമല്ല സംസ്ഥാനത്തെ വാണിജ്യ ബാങ്കുകളിലും നിക്ഷേപത്തില്‍ വന്‍വര്‍ദ്ധന. നടപ്പു സാമ്പത്തിക വര്‍ഷം സെപ്തംബര്‍ വരെയുള്ള കാലയളവില്‍ നിക്ഷേപം 3,38,902 കോടി രൂപയാണ്. പ്രവാസി നിക്ഷേപം 1,21,619 കോടി രൂപയിലെത്തി. പ്രവാസി നിക്ഷേത്തില്‍ കഴിഞ്ഞ മൂന്ന് മാസക്കാലയളവില്‍ 12,016 കോടി രൂപയുടെ വര്‍ദ്ധനയുണ്ടായി. 6,996 കോടി രൂപയാണ് ആഭ്യന്തര നിക്ഷേപത്തിലെ വര്‍ദ്ധന.

പ്രാഥമിക മേഖലയില്‍ 38,816 കോടി രൂപ വാണിജ്യ ബാങ്കുകള്‍ വായപ നല്‍കിയെന്ന് സംസ്ഥാനതല ബാങ്കിംഗ് അവലോകന സമിതി യോഗത്തില്‍ അവതരിപ്പിച്ച കണക്കുകള്‍ വ്യക്തമാക്കുന്നു. നടപ്പു വര്‍ഷം 1,04,937 കോടി രൂപ വായ്പ നല്‍കാനാണ് ലക്ഷ്യമിട്ടത്. ഇക്കാലയളവില്‍ സഹകരണ മേഖലയില്‍ 47,360 കോടി രൂപ നിക്ഷേപമുണ്ടായി.

വാണിജ്യ ബാങ്കുകള്‍ കാര്‍ഷിക മേഖലയില്‍ 19,971 കോടി രൂപ വായ്പ നല്‍കി. 1,09,205 കിസാന്‍ കാര്‍ഡുകളാണ് ഈ കാലയളവില്‍ നല്‍കിയത്. ഇതിലൂടെ 3,414 കോടി രൂപ കര്‍ഷകര്‍ക്ക് വായ്പ നല്‍കി. ഭവന നിര്‍മ്മാണ വായ്പയായി 3,391 കോടി രൂപയാണ് നല്‍കിയത്. കഴിഞ്ഞ മാര്‍ച്ചില്‍ രേഖപ്പെടുത്തിയ 1,164 കോടി രൂപയില്‍ നിന്ന് സെപ്തംബറില്‍ 985 കോടി രൂപയായാണ് കുറഞ്ഞത്. ഡി.ആര്‍.ഐ വായപയിലും ന്യൂനപക്ഷ വിഭാഗങ്ങള്‍ക്കുള്ള വായ്പയിലും കുറവുണ്ട്.