പ്രധാനമന്ത്രിയുടെ ജനധന പദ്ധതി പ്രകാരം രാജ്യത്തെ ബാങ്കുകള്‍ എത്ര അക്കൗണ്ടുകള്‍ തുറന്നെന്നോ? ഇതുവരെ 9.52 കോടി അക്കൗണ്ടുകള്‍ തുറന്നതായി റിസര്‍വ് ബാങ്ക്. 16.67 കോടി റുപേ ഡെബിറ്റ് കാര്‍ഡുകളും നല്‍കിയിട്ടുണ്ട്.

മുഖ്യമായും പൊതുമേഖലാ ബാങ്കുകളാണ് രാജ്യത്ത് ബാങ്കിങ് എല്ലാവര്‍ക്കും പ്രാപ്യമാക്കാന്‍ ആവിഷ്‌കരിച്ച പദ്ധതി നടപ്പാക്കുന്നത്. 2014 ഓഗസ്റ്റ് 28 ന് ആരംഭിച്ച പദ്ധതിയില്‍ ഈ മാസം ഒന്‍പതു വരെയുള്ള കണക്കാണിത്.ഭൂരിഭാഗം അക്കൗണ്ടുകളും ഗ്രാമീണ മേഖലയിലാണ്.

ഡെബിറ്റ് കാര്‍ഡില്‍ പൊതുമേഖല മുന്നില്‍; ക്രെഡിറ്റ് കാര്‍ഡില്‍ സ്വകാര്യമേഖലയും കഴിഞ്ഞ മാര്‍ച്ച് വരെയുള്ള കണക്കുപ്രകാരം, രാജ്യത്ത് നിലവിലുള്ള ഡെബിറ്റ് കാര്‍ഡുകളില്‍ 83 ശതമാനവും പൊതുമേഖലാ ബാങ്കുകളുടേതാണ്. അതേസമയം 80% ക്രെഡിറ്റ് കാര്‍ഡുകളും നല്‍കിയത് സ്വകാര്യ മേഖലാ ബാങ്കുകള്‍. 57.2% ഇന്ത്യയിലെ സ്വകാര്യ ബാങ്കുകളും 22.4% വിദേശ ബാങ്കുകളുമാണു നല്‍കിയിട്ടുള്ളത്.