സഹകരണ സംഘങ്ങളിലെയും ബാങ്കുകളിലെയും വായ്പാ കുടിശിക കുറയ്ക്കുന്നതിനും കൃത്യമായ വായ്പാ തിരിച്ചടവു പ്രോത്സാഹിപ്പിച്ചു സംഘങ്ങളെയും ബാങ്കുകളെയും പരമാവധി കുടിശികരഹിതമാക്കുന്നതിനുമായി ആശ്വാസ് പദ്ധതി നടപ്പാക്കുന്നു

സഹകരണ അദാലത്ത്, ഒറ്റത്തവണ തീര്‍പ്പാക്കല്‍ എന്നിങ്ങനെ രണ്ടുഘട്ടമായി ഈ പരിപാടി മാര്‍ച്ച് 31 വരെ നിലവിലുണ്ടാവും. സഹകരണ വായ്പാ സ്ഥാപനങ്ങളില്‍ ബാക്കി നില്‍പ്പുള്ള പത്തു ലക്ഷം രൂപ വരെയുള്ള വായ്പാകുടിശിക സഹകരണ അദാലത്തിലും അതിനു മുകളിലുള്ള വായ്പകള്‍ ഒറ്റത്തവണ തീര്‍പ്പാക്കലിലുമാണു പരിഗണിക്കുന്നത്.

വായ്പയെടുക്കുമ്പോള്‍ ഉണ്ടായിരുന്ന പലിശനിരക്കോ നിലിവിലുള്ളതോ ഏതാണു കുറവ് അതു പ്രകാരമുള്ള പലിശയും ബാക്കിനില്‍പ്പു മുതലും ഈടാക്കി വായ്പാ കണക്ക് അവസാനിപ്പിക്കാന്‍ ഇതിലൂടെ അവസരമുണ്ടാകും. വിശദവിവരം www.cooperation.kerala.gov.in ല്‍ ലഭ്യമാണ്