വികസ്വര രാജ്യങ്ങളില് സാമ്പത്തിക ഞെരുക്കം കനക്കുമ്പോഴും ഇന്ത്യയില് വിദേശ നിക്ഷേപം കൂടുന്നു. നിക്ഷേപക ലോകത്തിന് ഇന്ത്യ സുരക്ഷിത കേന്ദ്രമാണെന്നാണ് കണക്കുകള് സൂചിപ്പിക്കന്നത്. നടപ്പു സാമ്പത്തിക വര്ഷത്തിന്റെ ആദ്യ എട്ടുമാസക്കാലയളവില് (ഏപ്രില് നവംബര്) 1,813 പുതിയ വിദേശ ധനകാര്യ സ്ഥാപനങ്ങളാണ് സെക്യൂരിറ്റീസ് ആന്ഡ് എക്ചേഞ്ച് ബോര്ഡ് ഒഫ് ഇന്ത്യയില് (സെബി) രജിസ്റ്റര് ചെയ്തത്. കഴിഞ്ഞവര്ഷം പുതുതായി എത്തിയ വിദേശ ധനകാര്യ സ്ഥാപനങ്ങളുടെ എണ്ണം 1,444 മാത്രമായിരുന്നു.
ഇന്ത്യയില് നിക്ഷേപിക്കുന്നത് സുരക്ഷിതമാണെന്നും ലാഭം നേടാനാകുമെന്നുമുള്ള വിലയിരുത്തലുകള് വിദേശ നിക്ഷേപകര്ക്കുണ്ട്. ചൈനീസ് ഓഹരി വിപണിയില് കരുതലോടെ നിക്ഷേപിക്കണമെന്നാണ് നിരീക്ഷകലോകം നല്കുന്ന മുന്നറിയിപ്പ് എന്നിരിക്കേ, ഇന്ത്യയിലേക്ക് നടപ്പുവര്ഷം കൂടുതല് വിദേശ സ്ഥാപനങ്ങള് എത്തിയേക്കും.
രജിസ്ട്രേഷന് ഇല്ലാത്തവ ഉള്പ്പെടെ മൊത്തം 5,300ലേറെ വിദേശ ധനകാര്യ സ്ഥാപനങ്ങള് ഇന്ത്യയിലുണ്ട്. അമേരിക്കയില് നിന്നാണ് ഏറ്റവുമധികം കമ്പനികളുള്ളത്.കഴിഞ്ഞ ജൂണ് മുതല് ഇന്നലത്തെ വന് തകര്ച്ച കൂടി കൂട്ടുമ്പോള് 19 ശതമാനം നഷ്ടം ചൈനീസ് ഓഹരികള് നേരിട്ടിട്ടുണ്ട്. ഇത് 30 ശതമാനം വരെ ഉയരാമെന്നാണ് വിലയിരുത്തലുകള്.