EPF (എംപ്ലോയീസ് പ്രൊവിഡന്റ് ഫണ്ട്) പിന്‍ വലിക്കുമ്പോള്‍ അടയ്‌ക്കേണ്ട നികുതി പിന്‍ വലിച്ചു. ഇപ്പോഴത്തെ ധനമന്ത്രി അരൂണ്‍ ജെയ്റ്റ്‌ലി ആണ് ലോക്‌സഭയില്‍ ഇക്കാര്യം അറിയിച്ചത്. EPF തുകയുടെ 60% പലിശ നല്‍കണം എന്ന് ആയിരുന്നു ബജറ്റില്‍ പറഞ്ഞിരുന്നത്.

അതും ഏപ്രില്‍ ഒന്നു മുതലുളള നിക്ഷേപം പിന്‍ വലിക്കുമ്പോള്‍ ആയിരുന്നു നികുതി ബാധകം എന്നും ബജറ്റില്‍ സൂചിപ്പിച്ചിരുന്നു. EPF ല്‍ ഗവണ്‍മെന്റ് സൂചിപ്പിച്ച നികുതി പുന:പരിശോധിക്കാന്‍ പ്രധാനമന്ത്രി മോദി ധന മന്ത്രിയോട് ആവശ്യപ്പെട്ടിരുന്നു. PF നിക്ഷേപം ആദായനികുതി നിയമത്തിലെ സെക്ഷന്‍ 80സി നിയമപ്രകാരം ആണ് ഇളവ് ലഭിക്കുന്നത്.

തൊഴിലാളികളുടെ നിര്‍ദ്ദേശ പ്രകാരം പുതിയ നികുതി നിര്‍ദ്ദേശങ്ങള്‍ പിന്‍ വലിക്കണം എന്നും തൊഴിലാളി സംഘടനകള്‍ ആവശ്യപ്പെട്ടിരുന്നു.