നിക്ഷേപകരെ മ്യൂച്വല്‍ ഫണ്ട് വിവരങ്ങള്‍ അറിയിക്കണം

വിതരണക്കാര്‍ക്കും ഏജന്റുമാര്‍ക്കും നല്‍കുന്ന എല്ലാ വിവരങ്ങളും മ്യൂച്വല്‍ ഫണ്ട് നിക്ഷേപകരെ അറിയിക്കണം എന്ന് മ്യൂച്വല്‍ ഫണ്ട്സ്ഥാപനങ്ങള്‍ക്ക് sebi നിര്‍ദ്ദേശം നല്‍കി. ബോര്‍ഡ് യോഗത്തില്‍ AMFI (അസോസിയേഷന്‍ ഓഫ് മ്യൂച്വല്‍ ഫണ്ട്സ്സ് ഇന്‍ ഇന്ത്യ) യാണ് ഈ വിഷയം പ്രഖ്യാപിച്ചത്.

ആറു മാസത്തില്‍ ഒരിക്കലാണ് ഉപഭോക്താക്കള്‍ക്ക് എല്ലാ വിവരങ്ങളും നല്‍കുന്നത്. ആ അക്കൗണ്ട് സ്‌റ്റേറ്റ്‌മെന്റിലാണ് കമ്മീഷന്‍ വിവരങ്ങളും ഉള്‍പ്പെടുത്തേണ്ടത്.

CEO, CIO, COO തുടങ്ങി എല്ലാ ഉയര്‍ന്ന ജീവനക്കാര്‍ക്കും നല്‍കുന്ന വിവരങ്ങളും വെബ്‌സൈറ്റിലൂടെ പ്രസിദ്ധീകരിക്കണം എന്ന് സെബി നിര്‍ദ്ദേശം നല്‍കിയിട്ടുണ്ട്. ഉപഭോക്താക്കള്‍ക്കു നല്‍കുന്ന ഫണ്ടിന്റെ വിശദാംശങ്ങളില്‍ ഫോളിയോ നമ്പര്‍, ഇന്‍വെസ്റ്റ് എമൗണ്ട്, ഗയിന്‍/ലോസ്, KYC വിവരങ്ങള്‍ എല്ലാം അടങ്ങിയിരിക്കണം.