എടിഎം ഇടപാടുകള്‍ ആധാര്‍ അടിസ്ഥാനമാക്കി പ്രവര്‍ത്തിപ്പിച്ച് പണമിടപാട് രംഗത്ത് വിപ്ലവകരമായ മാറ്റങ്ങള്‍ സൃഷ്ടിക്കുകയാണ് ചെറുകിട ബാങ്ക് ആയ ഡിസിബി ബാങ്ക് . നിക്ഷേപകര്‍ക്ക് പിന്‍ കൂടാതെ തന്നെ ബയോമെടിക് വിവരങ്ങള്‍ ഉപയോഗിച്ച് ഇടപാടുകള്‍ നടത്താം.

ആധാര്‍ വിവരങ്ങള്‍ ഉപയോഗിച്ച് പ്രവര്‍ത്തിക്കുന്ന ആദ്യത്തെ എടിഎം ഞങ്ങള്‍ തുടങ്ങിക്കഴിഞ്ഞു ഇതില്‍ കാര്‍ഡില്ലാതെയും ഇടപാടുകള്‍ നടത്താവുന്നതാണെന്ന് ബാങ്കിന്റെ ഡയറക്ടറും ചീഫ് എക്‌സിക്യൂടീവുമായ മുരളി നടരാജന്‍ പറഞ്ഞു.

ഇടപാടിനായി 12അക്ക ഡിജിററല്‍ ആധാര്‍ നമ്പര്‍ അടിക്കുകയോ കാര്‍ഡ് എടിഎം മഷീനില്‍ സൈപ് ചെയതാലോ മതി. ഐഡന്റിററി ഉറപ്പാക്കുന്നതിനായി പിന്നിനു പകരം ബയോമെടിക് വിവരങ്ങളാണ് ആവശ്യം.

ഒന്നിലേറെ നമ്പറുകള്‍ കാരണം പിന്‍ മറന്നു പോകാം ഇവിടെ വിരലുകള്‍ സ്‌കാനറില്‍ പതിക്കേണ്ടതു മാത്രം ശ്രദ്ധിച്ചാല്‍ മതി. ബാങ്ക് അക്കൗണ്ടുമായി ആധാര്‍ ബന്ധിപ്പിച്ചാലേ ഈ സേവനം ഉപയോഗിക്കാനാവൂ. തുടക്കത്തില്‍ ഡിസിബി ബാങ്ക് ഉപഭോക്താക്കള്‍ക്ക് മാത്രമേ ഈ സേവനം നല്‍കപ്പെടുകയുള്ളൂ എന്നും അദ്ദേഹം കൂട്ടിചേര്‍ത്തു.