Click it and Unblock the Notifications
കൊച്ചി: റിസര്വ് ബാങ്കിന്റെ നടപ്പു സാമ്പത്തിക വര്ഷത്തെ ആദ്യ ധന അവലോകന നയം ഇന്ന് നടന്നു. റിപ്പോ നിരക്കില് കാല് ശതമാനത്തിന്റെ കുറവാണ് വരുത്തിയത്.അതേ സമയം കരുതല് ധനാനുപാതത്തില് (സിആര്ആര്) കുറവ് വരത്താന് റിസര്വ് ബാങ്ക് തയ്യാറായില്ല.
വാണിജ്യ ബാങ്കുകളില് നിന്ന് റിസര്വ് ബാങ്ക് കടമെടുക്കുന്പോള് നല്കേണ്ട പലിശയായ റിവേഴ്സ് റിപ്പോ 5.75 ശതമാനത്തില് നിന്ന് ആറു ശതമാനമായാണ് ഉയര്ത്തിയത്. ഇതിലൂടെ ബാങ്കുകള്ക്ക് കൂടുതല് പണം ലഭിക്കും.
ധനമന്ത്രാലയത്തില് നിന്നുള്പ്പെടെ കനത്ത സമര്ദ്ദമുള്ളതിനാല് റിപ്പോ നിരക്കില് കാല് ശതമാനം മുതല് അര ശതമാനം വരെ ഇളവുണ്ടാകുമെന്ന് പ്രതീക്ഷയുണ്ടായിരുന്നു. നാണയപ്പെരുപ്പ സൂചികകള് ആശ്വാസ തലത്തിലാണെന്നതും അനുകൂല ഘടകമായി.
ബാങ്കുകളില് പണലഭ്യത കൂട്ടുന്നതിനായി കരുതല് ധന അനുപാതത്തില് മാറ്റം വരുത്താനുള്ള ചെറിയ സാദ്ധ്യതയുമുണ്ടെന്ന് പതീക്ഷിച്ചിരുന്നു എന്നാല് അതുണ്ടായില്ല കരുതല് ധനാനുപാതം നാലു ശതമാനമായി തുടരും.
ചെറുകിട സമ്പാദ്യ പദ്ധതികളുടെ പലിശ നിരക്ക് അടുത്തിടെ കേന്ദ്ര സര്ക്കാര് വെട്ടിക്കുറച്ചതിനാല്, ഇന്ന് മുഖ്യ പലിശ നിരക്കുകളില് ഇളവനുവദിക്കാന് റിസര്വ് ബാങ്ക് ഗവര്ണര് രഘുറാം രാജന് നിര്ബന്ധിതനായിരുന്നു്.
റിസര്വ് ബാങ്കിന്റെ വായ്പാവലോകന നയമാണ് വിപണി ഉറ്റുനോക്കിയത്. നിരക്കില് കുറവ് വരുത്തിയേക്കുമെന്നുതന്നെയായിരുന്നു നിക്ഷേപക ലോകത്തിന്റെ പ്രതീക്ഷ.പുതിയ നയം ഭവന, വാഹന, വ്യക്തിഗത വായ്പകള് കുറയ്ക്കാന് ബാങ്കുകള്ക്ക് മേല് സമ്മര്ദ്ദമേറ്റും
Sign in with Google