ന്യൂഡല്‍ഹി: സേവന - കസ്റ്റംസ് നികുതികളുമായി ബന്ധപ്പെട്ട 7500 കേസുകള്‍ പിന്‍വലിക്കാന്‍ കേന്ദ്ര സര്‍ക്കാര്‍ തീരുമാനിച്ചു.ഇതിനുള്ള നടപടികള്‍ സെന്‍ട്രല്‍ ബോര്‍ഡ് ഒഫ് എക്‌സൈസ് ആന്‍ഡ് കസ്റ്റംസ് (സി.ബി.സി.ഇ) ആരംഭിച്ചിട്ടുണ്ട്.

ഹൈക്കോടതികള്‍ ഉള്‍പ്പെടെ വിവിധ കോടതികളിലും ട്രൈബ്യൂണലുകളിലുമായുള്ള, 15 ലക്ഷം രൂപയ്ക്ക് താഴെ വരുന്ന കേസുകളാണ് പിന്‍വലിക്കുന്നത്. നികുതി സമാഹരണം സൗഹാര്‍ദ്ദപരമാക്കുന്നതിന്റെ ഭാഗമായാണ് കേസുകള്‍ പിന്‍വലിക്കുന്നതെന്ന് സി.ബി.ഇ.സി വ്യക്തമാക്കി. കോടതികളിലും ട്രൈബ്യൂണലുകളിലും കേസുകള്‍ പിന്‍ബലിക്കുന്നതിനായി അപേക്ഷ നല്‍കും. കേസ് തുടരുന്നത് സംബന്ധിച്ച് കോടതികളാണ് ഇനി തീരുമാനിക്കേണ്ടതെന്നും സി.ബി.ഇ.സി വ്യക്തമാക്കി. അതേസമയം, സുപ്രീം കോടതിയുടെ പരിഗണനയിലുള്ള നികുതി കേസുകള്‍ സി.ബി.ഇ.സി പിന്‍വലിക്കില്ല.