കൊച്ചി: നിരക്ക് കുറച്ച് 3ജി, 2ജി ഇന്റര്നെറ്റ് സേവനം ലഭ്യമാക്കാനൊരുങ്ങി ബിഎസ്എന്എല് എല്ലാത്തരം ഉപയോക്താക്കള്ക്കും ഇന്റര്നെറ്റ് പ്ലാനില് മാറ്റം വരുത്താതെ സേവനം ലഭ്യമാക്കുന്ന പ്ലാനാണ് അവതരിപ്പിച്ചിരിക്കുന്നത്. ഒരാഴ്ചയ്ക്കുള്ളില് ഉപയോക്താക്കള്ക്ക് പ്ലാന് ലഭ്യമാക്കുമെന്ന് പ്രിന്സിപ്പല് ജനറല് മാനേജര് ജി. മുരളീധരന് വാര്ത്താസമ്മേളനത്തില് അറിയിച്ചു.
വൈഫൈ ഹോട്ട്സ്പോട്ട് വഴിയാണ് ഈ സേവനം ലഭിക്കുക. മൊബൈലില് വൈഫൈ സേര്ച്ച് ലിസ്റ്റില് വരുന്ന ബിഎസ്എന്എല് ക്യൂ എംഡിഒ സെലക്റ്റ് ചെയ്ത ശേഷം ഒഥന്റിക്കേഷന് മോഡ് സിം ആക്കി കണക്റ്റ് ചെയ്താല് 4.5 ജി വേഗതയില് ഇന്റര്നെറ്റ് ലഭിക്കും. ബിഎസ്എന്എല് ഫോണുകളെ ഗ്രൂപ്പില് ഉള്പ്പെടുത്തി ഒരു ഫോണിലേക്ക് കോളുകള് കണ്വേര്ട്ട് ചെയ്തുവിടുന്ന പുതിയ പദ്ധതിയും അവതരിപ്പിച്ചു. ഫിക്സിഡ് മൊബൈല് കണ്വേര്ജന്സ് സംവിധാനത്തിലൂടെ മൂന്നു മുതല് ഒന്പതുവരെ ഫോണുകളെ ഇത്തരത്തില് ഗ്രൂപ്പില് ഉള്പ്പെടുത്താം. മൂന്നു ഫോണുകള് ഉള്ള ഗ്രൂപ്പിന് 100 രൂപയും ആറുവരെ ഫോണുകളുള്ള ഗ്രൂപ്പിനു 200 രൂപയും ഒന്പതുവരെയുള്ള ഗ്രൂപ്പുകള്ക്ക് 300 രൂപയും അധികചാര്ജ് ഈടാക്കും. ഗ്രൂപ്പുകളിലെ ഫോണുകളിലേക്ക് ഫ്രീയായി വിളിക്കാവുന്ന ഐപി സെന്റെക്സ് പദ്ധതിയും ഇതോടൊപ്പം അവതരിപ്പിച്ചിട്ടുണ്ട്.
കഴിഞ്ഞ സാമ്പത്തിക വര്ഷം അവസാനിച്ചപ്പോള് 501 കോടി രൂപയുടെ വളര്ച്ച ബിഎസ്എന്എല്ലിനു കൈവരിക്കാനായിട്ടുണ്ട്.