കൊച്ചി: തൃശൂര്‍ ആസ്ഥാനമായുള്ള സൗത്ത് ഇന്ത്യന്‍ ബാങ്കിന്റെ ബിസിനസ് ഈ സാമ്പത്തിക വര്‍ഷം ഒരു ലക്ഷം കോടി രൂപയിലെത്തുമെന്ന് എംഡിയും സിഇഒയുമായ വി ജി മാത്യു പറഞ്ഞു.

കഴിഞ്ഞ സാമ്പത്തിക വര്‍ഷത്തില്‍ ബാങ്കിന്റെ ബിസിനസ് 97,506 കോടിയായിരുന്നു.പ്രകടനം വിലയിരുത്താന്‍ ചേര്‍ന്ന യോഗം 50% ലാഭവിഹിതത്തിന് ശുപാര്‍ശ നല്‍കിയിട്ടുണ്ട്.

ബാങ്കിന്റെ വാര്‍ഷിക അറ്റാദായം മുന്‍ വര്‍ഷത്തെക്കാള്‍ 8.48% വര്‍ധിച്ചു 333.27 കോടി രൂപയിലെത്തി. 55,721 കോടി നിക്ഷേപമുള്ള ബിസിനസില്‍ 41,785 കോടി വായ്പയാണ്. എന്‍ആര്‍ഐ നിക്ഷേപം കറന്റ് അക്കൗണ്ട്,സേവിംഗ്‌സ് അക്കൗണ്ട് നിക്ഷേപങ്ങള്‍ എന്നിവ വര്‍ധിച്ചിട്ടുണ്ട്.

ഈ സാമ്പത്തിക വര്‍ഷത്തില്‍ ശാഖകളും എക്സ്റ്റെന്‍ഷന്‍ കൗണ്ടറുകളും ഉള്‍പ്പെടെ 50 സ്ഥലങ്ങളിലേക്കുകൂടി സൗത്ത് ഇന്ത്യന്‍ ബാങ്ക് സാന്നിധ്യം വ്യാപിപ്പിക്കുകയാണ്. 100 എടിഎം കൗണ്ടറുകള്‍ അധികമായി തുറക്കും.