കൊച്ചി: എണ്ണയുടെ വിലക്കുറവ് കാരണം വിമാനടിക്കറ്റ് നിരക്കുകള് കുറയുന്നു ആഗോളതലത്തില് ഒമ്പത് ശതമാനം നിരക്ക് കുറഞ്ഞതായി അയാട്ട. നിരക്ക് ഇനിയും കുറയാനാണ് സാധ്യത.
2016 ജനുവരിക്ക് ശേഷം എണ്ണവിലയില് വര്ധനവുണ്ടായിരുന്നു. എന്നാല് ഫ്യൂച്ചര് ട്രേഡിങ് വഴി എണ്ണവില മുന്പേ ബ്ലോക്ക് ചെയ്യുന്നതിനാല് അടുത്ത വര്ഷംവരെ കുറഞ്ഞ എണ്ണവിലയുടെ ആനുകൂല്യം ലഭിക്കും.
അയാട്ട പ്രസിദ്ധീകരിച്ച എയര്ലൈന്സ് ഫിനാന്ഷ്യന് മോണിട്ടറിലാണ് ടിക്കറ്റ് നിരക്കു വീണ്ടും കുറയും എന്ന സൂചന.പക്ഷേ ഈ കുറവ് പ്രവാസികള്ക്ക് ഉപകരിക്കില്ല. ഗള്ഫില് നിന്നും കേരളത്തിലേക്കുള്ള ടിക്കറ്റ് നിരക്കില് കുറവുണ്ടാവില്ല. തിരഞ്ഞെടുപ്പ് കാലമായതോടെ എല്ലാ വിമാനകമ്പനികളും നിരക്ക് ഉയര്ത്തിയിട്ടുണ്ട്.
ഖത്തര് എയര്വേയ്സില് ദോഹയില് നിന്നു് ശനിയാഴ്ച കൊച്ചിക്കുള്ള വണ്വേ ടിക്കറ്റ് നിരക്ക് 1270 റിയാലാണ് അതായത് 22860 രൂപ. പെരുന്നാള് അവധിക്കാലമായ ജൂലൈയില് ടിക്കറ്റ് നിരക്കുകളെല്ലാം രണ്ടായിരത്തിനു മുകളിലാണ ആരംഭിക്കുന്നത്.