മുംബൈ: പുതിയ സുരക്ഷാ സംവിധാനങ്ങള്‍ ഉള്‍പ്പെടുത്തി റിസര്‍വ് ബാങ്ക് ആയിരം രൂപയുടെ നോട്ടുകള്‍ പുറത്തിറക്കുന്നു.

നോട്ടിലെ നമ്പറിനോടൊപ്പം ഇംഗ്ലീഷ് അക്ഷരം 'ആര്‍' എന്ന് രേഖപ്പെടുത്തിയാണ് നോട്ടുകള്‍ പുറത്തിറക്കുക.ഇടത്തുനിന്ന് വലത്തേയ്ക്ക് വലിപ്പം കൂടിവരുന്ന രീതിയില്‍ ക്രമീകരിച്ചിരിക്കുന്ന സീരിയല്‍ നമ്പര്‍, നോട്ടിന്റെ ഇരുവശങ്ങളിലുമുള്ള പ്രത്യേക വരകള്‍,വലിപ്പം കൂടിയ തിരിച്ചറിയല്‍ അടയാളം എന്നിവയുണ്ടാകും.

നോട്ടിലുള്ള റിസര്‍വ് ബാങ്ക് ഗവര്‍ണറുടെ ഒപ്പിനോടൊപ്പം '2016' എന്ന് രേഖപ്പെടുത്തിയിരിക്കും.പുതിയ നോട്ടുകള്‍ റിസര്‍വ്വ് ബാങ്കിന്റെ മഹാത്മാഗാന്ധി സീരീസിലുള്ള നോട്ടുകളുടെ മാതൃകയില്‍ത്തന്നെയായിരിക്കും.
റിസര്‍വ്വ് ബാങ്ക് പുറത്തിറക്കിയ ബ്ലീഡ് ലൈനുകളും വലിപ്പം കൂടിയ തിരിച്ചറിയല്‍ അടയാളവും ഇല്ലാത്ത പഴയ നോട്ടുകളും ഉപയോഗത്തിലുണ്ടെന്ന് റിസര്‍വ്വ് ബാങ്ക് അറിയിച്ചു.