കൊച്ചി: വേനല് കഴിയുന്നതോടെ ഇറച്ചിക്കോഴി വില കുതിക്കുന്നു.സംസ്ഥാനത്തെ കോഴി വില ആറു മാസത്തിനിടയിലെ ഉയര്ന്ന വിലയിലേക്കെത്തി. ഏപ്രില്,മെയ് മാസങ്ങളിലെ ചൂടും പക്ഷിപ്പനി സാധ്യത മൂലം ഇറക്കുമതി നിയന്ത്രണം നടപ്പിലാക്കിയതുമാണ് വിലക്കയറ്റത്തിന് കാരണം. രണ്ടാഴ്ചക്കിടയില് അന്പതിലധികം രൂപയുടെ വര്ധനവാണുണ്ടായത്.
വരള്ച്ചയും ചൂടുമാണ് കോഴി കര്ഷകര് ഉല്പാദനം കുറക്കാന് കാരണം. ചൂട് കൂടുമ്പോള് കോഴികള് കൂട്ടത്തോടെ ചത്തുപോകാറുണ്ട്. കഴിഞ്ഞ ദിവസം ഇറച്ചിക്കോഴിവില കിലോക്ക് 140 രൂപയാണ്.
മുന്പോരിക്കലും കോഴിവിലയില് ഇത്രയേറെ വര്ധനവുണ്ടായിട്ടില്ല. കര്ണാടകയിലും തമിഴ്നാട്ടിലും നിന്നുള്ള കോഴി വരവ് കുറഞ്ഞതും വില കൂടാന് ഇടയാക്കി.
കോഴി വില വര്ധിച്ചത് ഹോട്ടലുകളെയും സാരമായി ബാധിച്ചിട്ടുണ്ട്. കോഴി വിഭവങ്ങള് തയ്യാറാക്കുന്ന ഹോട്ടലുകള്ക്ക് കനത്ത സാമ്പത്തിക ബാധ്യതയാണ് വില വര്ധനവ് മൂലം ഉണ്ടായിരിക്കുന്നത്.
ഇന്ഷൂറന്സ് പോളിസി തിരഞ്ഞടുക്കുമ്പോള് അറിയാന് അഞ്ച് കാര്യങ്ങള്