മുംബൈ: സ്റ്റോക് എക്‌സ്‌ചേഞ്ചുകളില്‍ ലിസ്റ്റ് ചെയ്തിട്ടുള്ള ലോകത്തിലെ ശക്തമായ 2,000 കമ്പനികളില്‍ 56 എണ്ണം ഇന്ത്യയില്‍ നിന്ന്.ഫോബ്‌സാണ് പട്ടിക തയ്യാറാക്കിയത്. ഇന്ത്യന്‍ കമ്പനികളില്‍ ഒന്നാമത് റിലയന്‍സ് ഇന്‍ഡസ്ട്രീസാണ്. ഏറ്റവും കൂടുതല്‍ കമ്പനികള്‍ യുഎസില്‍ നിന്നാണ്.

പട്ടികയില്‍ 121ാം സ്ഥാനത്താണ് റിലയന്‍സ്. ചൈനയിലെ ബാങ്കുകളാണ് പട്ടികയിലെ ആദ്യ മൂന്ന് സ്ഥാനങ്ങളില്‍.

ഫോബ്‌സ് തയാറാക്കിയ പട്ടികയില്‍ ചൈന, യുഎസ് കമ്പനികളാണ് ആദ്യ ഒന്‍പതില്‍.63 രാജ്യങ്ങളില്‍ നിന്നാണ് കമ്പനികളെ തിരഞ്ഞെടുത്തത്.

പട്ടികയില്‍ ഇടം കണ്ടെത്തിയ ഇന്ത്യയിലെ പ്രമുഖ കമ്പനികള്‍ ബ്രാക്കറ്റില്‍ സ്ഥാനം. എസ്ബിഐ (149), ഓയില്‍ ആന്‍ഡ് നാച്വറല്‍ ഗ്യാസ് (220), ഐസിഐസിഐ ബാങ്ക് (266), എച്ച്ഡിഎഫ്‌സി ബാങ്ക് (275), ഐഒസി (371), ടിസിഎസ് (385), എന്‍ടിപിസി (400), ഭാരതി എയര്‍ടെല്‍ (453), ആക്‌സിസ് ബാങ്ക് (484), ഇന്‍ഫോസിസ് (590), ബിപിസിഎല്‍ (650), വിപ്രോ (755),ടാറ്റാ സ്റ്റീല്‍ (1,178), അദാനി എന്റര്‍പ്രൈസസ് (1,993), കോള്‍ ഇന്ത്യ (465), എല്‍ ആന്‍ഡ് ടി (505), ഐടിസി (781), മഹീന്ദ്ര ആന്‍ഡ് മഹീന്ദ്ര (901), എച്ച്‌സിഎല്‍ ടെക് (943), കോടക് മഹീന്ദ്ര ബാങ്ക് (899).