പുതിയ ബജറ്റില്‍ പ്രഖ്യാപിച്ച സ്വര്‍ണാഭരണങ്ങള്‍ക്കുള്ള നികുതി സര്‍ക്കാര്‍ ഒഴിവാക്കി.

ജൂണ്‍ ഒന്നു മുതല്‍ രണ്ട് ലക്ഷം രൂപയും അതില്‍ക്കൂടുതലും വില വരുന്ന സ്വര്‍ണാഭരണങ്ങള്‍ നേരിട്ട് പണം നല്‍കി വാങ്ങുമ്പോള്‍ ഈടാക്കാനിരുന്ന ഒരു ശതമാനം നികുതിയാണ് വേണ്ടെന്നുവെച്ചത്.

രണ്ട് ലക്ഷം രൂപയ്ക്ക സ്വര്‍ണം വാങ്ങുന്ന ഉപഭോക്താക്കളില്‍ നിന്നും് ഒരുശതമാനം നികുതി ഈടാക്കി ജ്വല്ലറികള്‍ സര്‍ക്കാരിന് നല്‍കണമെന്നായിരുന്നു ബജറ്റിലെ നിര്‍ദേശം.

നികുതിയിളവിനുള്ള പരിധി അഞ്ച് ലക്ഷമായി തുടരും. നികുതി നിര്‍ദേശം വേണ്ടെന്നുവെച്ചതോടെ പ്രമുഖ ജ്വല്ലറികളുടെ ഓഹരിവില കുതിച്ചുയര്‍ന്നു.