മുംബൈ: ഇ-കൊമേഴ്‌സ് സൈറ്റായ ഫ്‌ളിപ്കാര്‍ട്ടില്‍നിന്നും ഇനി സാധനങ്ങള്‍ ഇന്‍സറ്റാള്‍മെന്റായി വാങ്ങാം. ഫ്‌ളിപ്കാര്‍ട്ടില്‍ വാങ്ങുന്നതിന് പലിശ രഹിത ഇന്‍സ്റ്റാള്‍മെന്റ് സ്‌കീം വരുന്നു.

ബജാജ് ഫിന്‍സര്‍വുമായി സഹകരിച്ചു നടപ്പാക്കുന്ന പദ്ധതി ജൂണ്‍ ഒന്നു മുതല്‍ നിലവില്‍വരും.തെരഞ്ഞെടുത്ത ഉത്പന്നങ്ങള്‍ മാത്രമാകും ഈ സ്‌കീമില്‍ വില്‍ക്കുക. മൂന്നു മാസം മുതല്‍ ഒരു വര്‍ഷം വരെയാണു മാസ തിരിച്ചടവ് കാലാവധി.

കോകോസ്റ്റ് ഇഎംഐ എന്നാണു പദ്ധതിക്കു പേരു നല്‍കിയിരിക്കുന്നത്. പദ്ധതി പ്രകാരം ഡൗണ്‍ പേയ്‌മെന്റും പ്രൊസസിങ് ഫീസും നല്‍കേണ്ട. പലിശയും നല്‍കേണ്ട.
ഉത്പന്നത്തിന്റെ വില എത്ര കാലമാണോ ഇഎംഐ തെരഞ്ഞെടുക്കുന്നത് അത്രയും കാലംകൊണ്ടു കൊടുത്തു തീര്‍ത്താല്‍ മതി.

പുതിയ സ്‌കീം കമ്പനിയുടെ വളര്‍ച്ചയും വില്‍പ്പനയും വന്‍തോതില്‍ ഉയര്‍ത്തുമെന്നാണ് കരുതുന്നത്.