Click it and Unblock the Notifications
നികുതി വിധേയമായ സേവനത്തിന്റെ മൂല്യത്തിന്മേല് ചുമത്തുമെന്നു പ്രഖ്യാപിച്ചിരുന്ന 0.5% കൃഷി കല്യാണ് സെസ് ജൂണ് ഒന്ന് മുതല് നിലവില് വരികയാണ്. 2016-17 യൂണിയന് ബജറ്റിലാണ് ധനകാര്യമന്ത്രി അരുണ് ജെയ്റ്റ്ലി സേവനനികുതി പരിധിയിലുള്ള എല്ലാത്തിനും 0.5% കൃഷി കല്യാണ് സെസ് അവതരിപ്പിച്ചത്.
0.5% സ്വച്ഛ് ഭാരത് സെസിനു പുറമെ ഇനി 0.5% കൃഷി കല്യാണ് സെസും കൂടുമ്പോള് നികുതി 15 ശതമാനമാവും.
കൃഷി കല്യാണ് സെസ് എന്തിന്
കാര്ഷിക മേഖലയുടെ പുനരുജ്ജീവന പദ്ധതികള് നടപ്പാക്കാനും കൃഷിക്കാരുടെ ക്ഷേമത്തിനു പണം കണ്ടെത്താനുമാണു കൃഷി കല്യാണ് സെസ് ഉപയോഗിക്കുന്നത്.
കൃഷി കല്യാണ് സെസ് പരിധിയില്പ്പെടുന്നവ
കൃഷി കല്യാണ് സെസിന്റെ പരിധിയില് വരുന്ന, സാധാരണക്കാര്ക്ക് അധിക ബാധ്യത സൃഷ്ടിക്കാന് പോകുന്ന ചിലവുകള് ഇവയൊക്കെയാണ്.
ടെലിഫോണ് ബില്ലുകള്
നിര്മ്മാണത്തിലിരിക്കുന്ന വസ്തുക്കള്
ഇന്റര്നെറ്റ് ബില്
ട്രാവല് ഏജന്സികള്
വാടകകള്
റെസ്റ്റോറന്റ് ബില്ലുകള്
സിനിമ
കേബിള് ബില്
ശ്രദ്ധിക്കേണ്ട കാര്യങ്ങള്
ജൂണ് ഒന്നിനു മുന്പ് സേവനം ഉപയോഗിച്ച് അതിനു ശേഷമാണ് പണം അടക്കുന്നതെങ്കില് കൃഷി കല്യാണ് സെസ് ബാധകമാണ്.
ജൂണ് ഒന്നിന് മുന്പ് മുന്കൂറായി പണം നല്കിയ സേവനങ്ങള്ക്ക് സെസ് ഉണ്ടാവില്ല.
എന്തുകൊണ്ട് കൃഷി കല്യാണ് സെസ്
കഴിഞ്ഞ വര്ഷം സേവന നികുതി 12.36 ശതമാനത്തില് നിന്ന് 14 ശതമാനമാക്കി ഉയര്ത്തിയിരുന്നു. ഇതോടൊപ്പം സ്വച്ഛ് ഭാരത് സെസ്സായി നവംബര് മുതല് സേവന നികുതി അര ശതമാനം കൂടി കൂട്ടി അതിന് പുറമെയാണ് കൃഷി കല്യാണ് സെസ്.
നികുതിയുടെ പരിധിയില് വരുന്ന എല്ലാ സേവനങ്ങള്ക്കും കൃഷി കല്യാണ് സെസ് ബാധകമാണ്.
കൃഷി കല്യാണ് സെസിലൂടെ സാമ്പത്തികവര്ഷത്തെ അവശേഷിക്കുന്ന പത്ത് മാസംകൊണ്ട് ജനങ്ങളുടെ പോക്കറ്റില്നിന്ന് 5000 കോടി സമാഹരിക്കാനാകുമെന്നാണ് സര്ക്കാരിന്റെ പദ്ധതി. എന്നാല് ഇത് ജനങ്ങള്ക്ക് അധിക ബാധ്യതയാകുമെന്ന് വ്യാപകമായി വിമര്ശനങ്ങളുണ്ട്. എങ്കിലും കാര്ഷിക മേഖലക്ക് ഇത് കരുത്ത് പകരുമെന്നാണ് പ്രതീക്ഷ.
Sign in with Google