ന്യൂഡല്‍ഹി: ടു വീലര്‍ ടാക്‌സികള്‍ക്ക് ഇനി നിരത്തുകള്‍ കീഴടക്കാം.ടു വീലര്‍ ടാക്‌സികള്‍ക്ക് സര്‍വീസ് നടത്താന്‍ അനുമതി ലഭിച്ചു. മോട്ടോര്‍ വെഹിക്കിള്‍ നിയമത്തില്‍ കേന്ദ്രസര്‍ക്കാര്‍ ഇതിനായി ഭേദഗതി വരുത്തും. കുറഞ്ഞ ചിലവില്‍ ലക്ഷ്യസ്ഥാനങ്ങളിലെത്താന്‍ ടു വീലര്‍ ടാക്‌സിയുടെ വരവോടെ സാധിക്കും.

നിലവില്‍ ഗോവ,ഹരിയാന തുടങ്ങിയ സംസ്ഥാനങ്ങളിലാണ് ടു വീലര്‍ ടാക്‌സികള്‍ സര്‍വീസ് നടത്തുന്നത്. അമേരിക്കന്‍ ഓണ്‍ലൈന്‍ വാഹന സര്‍വീസ് ദാതാക്കളായ ഉബര്‍ ബാംഗ്ലൂരില്‍ മോട്ടോര്‍ബൈക്ക് ടാക്‌സി സര്‍വീസ് സേവനം തുടങ്ങിയെങ്കിലും നിയമനടപടികള്‍ കാരണം അവസാനിപ്പിച്ചിരുന്നു.

കമേഴ്‌സ്യല്‍ വാഹനങ്ങളായി രജിസ്‌ട്രേഷന്‍ ചെയ്തവര്‍ക്കായിരിക്കും ടാക്‌സി സേവനത്തിന് അനുമതി ലഭിക്കുക. ഡ്രൈവര്‍ക്ക് കമേഴ്‌സ്യല്‍ ലൈസന്‍സും വേണം.

സ്വകാര്യ ഇരുചക്ര വാഹനങ്ങളെ ടാക്‌സിയായി ഓടാനനുവദിക്കുകയില്ല. പിന്‍സീറ്റിലുള്ളവര്‍ക്കും ഹെല്‍മെറ്റ്,റിഫ്‌ളക്ടര്‍ ജാക്കറ്റ് തുടങ്ങിയ സുരക്ഷാ നിര്‍ദേശങ്ങളും ഇതോടൊപ്പം നിര്‍ബന്ധമാക്കും.