കൊച്ചി: ശനിയാഴ്ച സ്വര്ണവില കൂടി. പവന് 320 രൂപ കൂടി 21,720 രൂപയായി. ഗ്രാമിന് 40 രൂപയാണ് കൂടിയത്. രാജ്യാന്തര വിപണിയില് വില ഉയര്ന്നതാണ് ആഭ്യന്തര വിപണിയിലും പ്രതിഫലിച്ചത്.
വിവാഹസീസണില് വില കുറച്ച് താഴ്ന്നത് ഉപഭോക്താക്കള്ക്ക് വലിയ ആശ്വാസം പകര്ന്നിരുന്നു.ശനിയാഴ്ച വില കൂടിയതോടെ സ്വര്ണവിലയിലെ ചാഞ്ചാട്ടം തുടരുകയാണ്.
മെയ് ഒന്നിന് 22,560 രൂപയായിരുന്നു പവന്.അക്ഷയ ത്രിതീയ ദിവസമായ മെയ് ഒമ്പതിന് 22,480 രൂപയായിരുന്നു സ്വര്ണവില. ഒരുമാസത്തിനിടെ 640 രൂപയാണ് പവന്റെ വിലയില് ഇടിവുണ്ടായത്.മെയ് 30 ന് തിങ്കളാഴ്ച സ്വര്ണ്ണത്തിന് ഈ മാസത്തെ ഏറ്റവും താഴ്ന്ന വിലയിലെത്തിയിരുന്നു,2680 ആയിരുന്നു അന്ന് ഒരു ഗ്രാമിന്റെ വില.
2016ന്റെ തുടക്കത്തിലും സ്വര്ണവില താഴ്ചയിലായിരുന്നു.ജനുവരി ഒന്നിനു പവനു 18,840 രൂപയായിരുന്ന വില.എന്നാല് ഏപ്രില് മുതല് വില കൂടിയും കുറഞ്ഞും നിക്ഷേപകരെ സംശയത്തില് നിര്ത്തി.