വാഷിംഗ്ടണ്: അമേരിക്കന് ഇ-കൊമേഴ്സ് കമ്പനിയായ ആമസോണ് ഇന്ത്യയില് 300 കോടി ഡോളറിന്റെ (ഏകദേശം 20,000 കോടി രൂപ) അധിക നിക്ഷേപം നടത്തും.
അമേരിക്ക സന്ദര്ശിക്കുന്ന പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ചക്കിടെ ആമസോണ് സ്ഥാപക സി.ഇ.ഒ ജെഫ് ബിസോസിന്റേതാണ് നിക്ഷേപ വാഗ്ദാനം.ഇതോടെ, ആമസോണിന്റെ ഇന്ത്യയിലെ മൊത്തം നിക്ഷേപം 500 കോടി ഡോളറായി ഉയരും. നിക്ഷേപത്തിന്റെ സമയ പരിധി ആമസോണ് വ്യക്തമാക്കിയിട്ടില്ല.
ഇതൊരു തുടക്കം മാത്രമാണെന്നും അനുദിനം വളരുന്ന ഇന്ത്യന് ഇ - കൊമേഴ്സില് വന് പ്രതീക്ഷകളാണ് ആമസോണിനുള്ളതെന്നും ജെഫ് ബിസോസ് പറഞ്ഞു. അമേരിക്കയ്ക്ക് പുറത്ത് ആമസോണിന്റെ ആദ്യ സോഫ്റ്റ്വെയര് എന്ജിനിയറിംഗ് ഡെവലപ്മെന്റ് സെന്റര് തുറക്കും.ആമസോണ് ഇന്ത്യയില് ഇതിനകം 45,000ത്തോളം തൊഴിലവസരങ്ങള് സൃഷ്ടിച്ചിട്ടുണ്ടെന്നും അദ്ദേഹം പറഞ്ഞു.
പ്രാദേശിക പിന്തുണ ലഭിക്കാത്തതിനാല് ചൈനയില് ആമസോണ് വന് പ്രതിസന്ധിയാണ് നേരിടുന്നത്.ഇന്ത്യന് ഇ-കൊമേഴ്സ് രംഗത്ത് വിപണി പിടിച്ചടക്കാനാണ് ആമസോണ് ലക്ഷ്യമിടുന്നത്.