കൊച്ചി: സ്വര്‍ണവില പവന് 200 രൂപ വര്‍ധിച്ചു. ഇപ്പോള്‍ പവന് 22,120 രൂപ എന്ന നിലയിലാണ് വ്യാപാരം നടക്കുന്നത്. ഗ്രാമിന് 2765 രൂപയാണ്.

21,920 രൂപയായിരുന്നു കഴിഞ്ഞദിവസം പവന്റെ വില. പത്ത് ദിവസത്തിനിടെ 720 രൂപയുടെ വര്‍ധനവാണുണ്ടായത്.രാജ്യാന്തര വിപണിയിലെ വിലവര്‍ധനവാണ് ആഭ്യന്തര വിപണിയിലും പ്രതിഫലിച്ചത്.

മെയ് ഒന്നിന് 22,560 രൂപയായിരുന്നു പവന്.അക്ഷയ ത്രിതീയ ദിവസമായ മെയ് ഒമ്പതിന് 22,480 രൂപയായിരുന്നു സ്വര്‍ണവില. മെയ് 30 ന് തിങ്കളാഴ്ച സ്വര്‍ണ്ണത്തിന് മെയ്മാസത്തെ ഏറ്റവും താഴ്ന്ന വിലയിലെത്തിയിരുന്നു,2680 ആയിരുന്നു അന്ന് ഒരു ഗ്രാമിന്റെ വില.

2016ന്റെ തുടക്കത്തിലും സ്വര്‍ണവില താഴ്ചയിലായിരുന്നു.ജനുവരി ഒന്നിനു പവനു 18,840 രൂപയായിരുന്ന വില.