കൊച്ചി: കേരളത്തിലും അയല്‍ സംസ്ഥാനങ്ങളിലും തക്കാളിവില ഉയരുന്നു. ഹൈദരാബാദ് ഉള്‍പ്പടെയുള്ള നഗരങ്ങളില്‍ തക്കാളിയ്ക്കു കിലോ നൂറു രൂപയാണ് ഇപ്പോള്‍ വില. ഉരുളക്കിഴങ്ങിനും ഉള്ളിയ്ക്കും വില കൂടുകയാണ്.

പച്ചക്കറിക്കു പൊതുവെ വില ഉയര്‍ന്നപ്പോള്‍ ഏറ്റവും അധികം വില വര്‍ധിച്ചതു തക്കാളിക്കായിരുന്നു. രണ്ടു മാസം മുന്‍പു കിലോയ്ക്കു 20 രൂപയ്ക്കു വരെ ലഭിച്ചിരുന്ന തക്കാളിയാണ് ഇപ്പോള്‍ കിലോയ്ക്ക് 80 മുതല്‍ 100 രൂപ വരെയെത്തിയത്.

ഒരു പെട്ടി തക്കാളിയുടെ വില ചരക്കു കൂലിയും കേടാകുന്നതിന്റെ നഷ്ടവും നികത്തി നിശ്ചയിക്കുമ്പോള്‍ 70 രൂപ വരെയാകും. ഇതു ചില്ലറ വില്‍പ്പനക്കാരിലെത്തുമ്പോള്‍ 73 രൂപ മുതല്‍ 75 രൂപ വരെയാകും. അവരുടെ ലാഭവും കൂടി ചേര്‍ത്തു ചില്ലറ വില നിശ്ചയിക്കുമ്പോഴാണ് കിലോയ്ക്ക് 80 രൂപയ്ക്കു മുകളിലെത്തുന്നത്.