ബെംഗളൂരു: കര്ണാടകയില് ഇ-സിഗരറ്റുകള് നിരോധിച്ചു.കടകളിലും ഓണ്ലൈന് ഷോപ്പിങ് സൈറ്റുകളിലും ഇനി ഇ-സിഗരറ്റ് വില്പന പാടില്ല.നിക്കോട്ടിന് അടങ്ങിയ സാധാരണ സിഗരറ്റുകള് വരുത്തുന്ന ആരോഗ്യ പ്രശ്നങ്ങള് ഇ-സിഗരറ്റും വരുത്തുന്നുണ്ടെന്നു തെളിഞ്ഞിരുന്നു.
ഇന്ത്യയില് തന്നെ ഏറ്റവും കൂടുതല് ഇ-സിഗരറ്റ് വില്ക്കുന്ന നഗരമാണു ബെംഗളൂരു. 15-25 പ്രായവിഭാഗത്തിലുള്ളവരും യുവാക്കളുമാണ് ഇ-സിഗരറ്റിന്റെ പ്രധാന ഉപയോക്താക്കള്.
യുവാക്കള്ക്കിടയില് ഇ-സിഗരറ്റ് ഉപയോഗം വ്യാപകമായതിനെത്തുടര്ന്നാണ് ഈ നടപടിയെടുത്തതെന്ന് ആരോഗ്യമന്ത്രി യു.ടി ഖാദര് അറിയിച്ചു.
ഇ-സിഗരറ്റില് ഉപയോഗിക്കുന്ന്ത് ദ്രവ നിക്കോട്ടിനാണ്. സാധാരണ സിഗരറ്റിന്റെ പുകയുടെ അനുഭവം തരുന്നതാണ് ഇലക്ട്രോണിക് സിഗരറ്റ്. പുകവലി ശീലം കുറച്ചുകൊണ്ടുവരാനുള്ള ബദല് എന്ന പേരിലിറങ്ങിയ ഇ-സിഗരറ്റിനും ഏറെ ദൂഷ്യവശങ്ങളുണ്ടെന്നു സംസ്ഥാന ആരോഗ്യവകുപ്പ് നടത്തിയ പഠനത്തില് തെളിഞ്ഞിരുന്നു.